মাজুলী, 5 ছেপ্তেম্বৰ: মাজুলীৰ শালমৰাত সংঘটিত হয় এক ভয়ংকৰ অগ্নিকাণ্ডৰ ঘটনা (Fire breakout at Salmora) ৷ দেওবাৰে নিশা শালমৰাৰ বাসিন্দা থগেশ্বৰ দাসৰ ঘৰত সংঘটিত হয় এই অগ্নিকাণ্ডৰ ঘটনাটো (Majuli fire incident) ৷ মাজনিশা প্ৰায় 12:30 বজাত সংঘটিত হয় এই অগ্নিকাণ্ড ৷
পৰিয়াল তথা স্থানীয় ৰাইজে সন্দেহ কৰা অনুসৰি বৈদ্যুতিক শ্বৰ্ট চাৰ্কিটৰ বাবেই জুইৰ সূত্ৰপাত ঘটিছিল ৷ ইয়াৰ পাছতে মুহূৰ্ততে জুইয়ে ছানি ধৰে ঘৰটো (House burnt for Electric short circuit) ৷ ফলত নিমিষতে লক্ষাধিক টকাৰ সা-সামগ্ৰী জুইত জাহ যায় ৷ লগে লগে অগ্নিনিৰ্বাপক বাহিনীক খবৰ দিয়া হয় যদিও পথৰ সু-ব্যৱস্থা নথকাৰ বাবেই ঘটনাস্থলীত উপস্থিত হ’ব লোৱাৰিলে অগ্নি নিৰ্বাপক বাহিনীৰ গাড়ী ৷
ইফালে স্থানীয় লোকৰ তৎপৰতাত জুই নিৰ্বাপনৰ চেষ্টা কৰিও নুমোৱাব নোৱাৰিলে জুই ৷ অৱশ্যে ভয়ংকৰ অগ্নিকাণ্ডৰ ঘটনাটোৰ পৰা কথমপি প্ৰাণৰক্ষা পৰে পৰিয়ালটোৰ সদ্যস্যসকল ৷
লগতে পঢ়ক: কাৰ্যকৰ্তাৰ আৰ্শীবাদৰ বাবেই দলৰ সৰ্বোচ্চ সমিতিত অন্তর্ভুক্ত হ’লো: সোণোৱাল
