মাজুলী, 23 আগষ্ট : প্ৰায় তিনি মাহৰ পাছত ১৮ আগষ্টৰ পৰা ৫০ শতাংশ যাত্ৰীৰে পুনৰ মুকলি হ’ল যোৰহাট-মাজুলী সংযোগী ফেৰী সেৱা । ফেৰী সেৱা(Ferry Service) মুকলি হোৱাৰ লগে লগেই এতিয়া দৈনিক শ শ যাত্ৰীয়ে পাৰাপাৰ হ’বলৈ পাৰঘাট সমূহত ভীৰ কৰিছে । স্বাভাৱিকতেই উদ্ভৱ হৈছে ক’ভিড নিয়ন্ত্ৰণৰ(Covid Management ) দিশটো ৷ পিছে ফেৰীৰ এই যাত্ৰী সকল যেতিয়া ফেৰী পাৰ হৈ গন্তব্য স্থানৰ পৰা ঘূৰি আহে প্ৰত্যেক জন লোকৰ ক'ভিড টেষ্ট(Covid Test) বাধ্যতামূলক কৰিছে প্ৰশাসনে ।
প্ৰশাসনৰ এই পদক্ষেপে মাজুলীত ক'ভিডৰ সংক্ৰমণ(covid transmission) হ্ৰাস হোৱাত যথেষ্ট গুৰুত্বপুৰ্ণ ভুমিকা লৈছে । চিকিৎসা বিভাগ(health department)ৰ লোকক এই সকল যাত্ৰীক ক'ভিড টেষ্ট কৰাবলৈ আৰক্ষী প্ৰশাসনৰ ফালৰ পৰাও সহায় কৰা দেখিবলৈ পোৱা গৈছে । প্ৰশাসনৰ ওপৰিও, সকলো যাত্ৰীয়েও একে মুখে ক'ভিডৰ পৰা যিকোনো প্ৰকাৰে সাৰিব লাগে বুলি মত পোষণ কৰা দেখা গৈছে ।
পাৰঘাটত ক'ভিড টেষ্ট কৰা চিকিৎসা কমীসকলেও জনাইছে আগতকৈ ক'ভিড প্রজিটিভ ৰোগীৰ সংখ্যা আগতকৈ কমিবলৈ ধৰিছে। স্বাস্থ্য বিভাগৰ এই সকল লোকেও আহ্বান জনাইছে সাধাৰণ ৰাইজক যাতে সকলো সজাগ আৰু সচেতন হয় । সকলো সজাগ হলে কভিডক প্ৰতিহত কৰাত আৰু সহায় হ’ব ।
লগতে পঢ়ক : সাত গুণ মাফ; কিয়নো ধৰ্ষণৰ অভিযুক্ত আই আই টিৰ ছাত্ৰ
