মাজুলী,15 মে': দেশজুৰি অব্যাহত থকা কৰ'ণা মহামাৰীৰ সংহাৰ তথা লক ডাউনৰ বাবে কৰ্ম সংস্থাপন হেৰুৱাইছে দেশৰ লগতে অসমৰ হাজাৰ হাজাৰ যুৱক-যুৱতীয়ে ৷ লক ডাউনৰ বাবে সকলো কাম অচল হৈ পৰাৰ বাবে খালি হাতে অসমলৈ ঘূৰি আহিব লগীয়া হৈছে কৰ্মসূত্ৰে বহিঃৰাজ্যৰ বিভিন্ন কোম্পানীত নিয়োজিত হৈ থকা বহু যুৱক যুৱতী ৷ ইয়াৰ মাজতে এই সকল যুৱতীৰ বাবে সাহস হ'ব পৰাকৈ এক নিদৰ্শন ডাঙি ধৰিছে যোৰহাট জিলাৰ টিয়কৰ এজন উচ্চ শিক্ষিত যুৱকে ৷ কিন্তু কি কৰিছে এইজন যুৱকে ? শুনক যুৱক জনৰ মুখেৰেই...
উল্লেখ্য যে,যোৰহাট জিলাৰ টিয়কৰ পৰা আহি মাজুলীত প্ৰায় 7 বিঘা মাটি লিজত লৈ কুইন প্ৰজাতিৰ ভোট জলকীয়া খেতিৰে সেউজ বিপ্লৱৰ সূচনা কৰা এইজন যুৱকৰ নাম কুশল ফুকন । কুশল ফুকনে লগত আৰু 5 জন শিক্ষিত যুৱকক লগত লৈ অৱ্যাহত ৰাখিছে ভোট জলকীয়াৰ খেতি। মাহে ভোট জলকীয়া বিক্ৰী কৰি যথেষ্ট ধন উপাৰ্জন কৰিবলৈ সক্ষম হৈছে যুৱক কেইজনে । ভোট জলকীয়া উত্তৰ পূৰ্বাঞ্চলৰ বিভিন্ন বজাৰলৈ ৰপ্তানি কৰি বজাৰ দখল কৰিবলৈ সক্ষ্যম হৈছে বুলি জনাইছে যুৱকজনে ৷
লগতে পঢ়কঃটিংৰাই বিস্ফোৰণত নিহতৰ পৰিয়ালক সাক্ষাৎ মুখ্যমন্ত্ৰী ড৹ হিমন্ত বিশ্ব শৰ্মাৰ
