লখিমপুৰ, ১৮ আগষ্ট:মাথো দুদিন পুৰ্বে লখিমপুৰৰ ৰাজগড় ৰূপহীত অৰুণাচলীয়ে অসমৰ ১২ জন যুৱকক আক্রমণ কৰা ঘটনাৰ প্ৰতিবাদ অব্যাহত আছে । ইয়াৰ প্ৰতিবাদ আৰু প্ৰতিক্ৰিয়া মাৰ নৌযাওঁতেই পুনৰ অৰুণাচলত শতাধিক অসমৰ টেম্প' চালকক বঞ্চনা(Tempo driver of Assam deprived in Arunachal)কৰাৰ অভিযোগ উঠিছে । অসমৰ লখিমপুৰ জিলাৰ টেম্প' চালকসকলৰ ওপৰত অৰুণাচলীৰ অত্যাচাৰ অব্যাহত থকাৰ অভিযোগ তুলি শতাধিক চালকে বুধবাৰে প্ৰতিবাদী সভা অনুষ্ঠিত কৰে । উক্ত প্ৰতিবাদী সভাত টেম্প' চালকসকলে অন্তিম সময়সীমা দিয়ে অৰুণাচলীক ।
উল্লেখ্য় যে যোৱা এবছৰ ধৰি অৰুণাচল প্ৰদেশত অসমৰ টেম্প' চালকৰ ওপৰত আৰুণাচলীয়ে অত্যাচাৰ কৰাৰ অভিযোগ উত্থাপন কৰিছে চালকসকলে । অসমৰ প্ৰায় তিনি শতাধিক যুৱকে নাহৰলগুনত(Driving tempo in Naharlagun)টেম্প' চলাই জীৱন নিৰ্বাহ কৰি আহিছে । টেম্প'ৰ সকলো নথি পত্ৰ থকা স্বত্বেও অৰুণাচলীয়ে অত্যাচাৰ চলায় বুলি তেওঁলোকে অভিযোগ তোলে ।
টেম্প' চালকসকল অসমীয়া হোৱাৰ বাবেই অসমৰ যুৱকক তুচ্ছ-তাচ্ছিল্য কৰি অহা বুলি কয় ক্ষুব্ধ চালকসকল । নিবনুৱা যুৱকসকলৰ এই সমস্যা সমাধানৰ বাবে দাবী জনাইছে অসম চৰকাৰ আৰু অৰুণাচল চৰকাৰক । এই সমস্যা সমাধান নকৰিলে অসমৰ পৰা অৰুণাচললৈ যোৱা গেটসমূহ বন্ধ কৰি প্ৰতিবাদ সাব্যস্ত কৰাৰ হুংকাৰ টেম্প' চালকসকলে । এতিয়া অৰুণাচল চৰকাৰে এই ক্ষেত্ৰত কি ব্য়ৱস্থা গ্ৰহণ কৰে সেয়া লক্ষণীয় হ'ব ।
লগতে পঢ়ক:আন্দামানৰ কাৰাগাৰ চাবলৈ অসমৰ ১০০০ যুৱক পঠিয়াব চৰকাৰে
