লখিমপুৰ, 5 মাৰ্চ : ‘‘কেৱল চকী শুৱনি কৰা পৌৰসভাৰ প্ৰতিনিধি আমাক নালাগে ৷ আমাক লাগে পৌৰসভাৰ এলেকাত পদপথৰ ব্যৱসায়ীসকলৰ দীৰ্ঘদিনীয়া সমস্যা সমাধানৰ হকে থিয় হোৱা প্ৰতিনিধিহে’’ ৷ সংবাদ মাধ্যমৰ আগত এই মন্তব্য কৰে লখিমপুৰৰ পদপথৰ ব্যৱসায়ী সন্থা সভাপতি চন্দন চক্ৰৱৰ্তীয়ে ৷
উল্লেখ্য যে, ৰাজ্যৰ পৌৰসভা নিৰ্বাচনৰ বাবে মাজত আৰু কেইটামান ঘণ্টা বাকী (Municipal elections 2022) ৷ পৌৰ নিৰ্বাচনৰ প্ৰাক মূহুৰ্তত নিজৰ মনৰ কথা ব্যক্ত কৰিবলৈ ওলাই আহিছে ৰাজ্যৰ একাংশ পদপথৰ ব্যৱসায়ী ৷ কেমেৰাৰ সন্মুখত একাংশ ব্যৱসায়ীয়ে ব্যক্ত কৰিছে নিজৰ মনৰ কথা ৷
লখিমপুৰৰ একাংশ ব্যৱসায়ীয়ে উল্লেখ কৰা অনুসৰি, দীর্ঘদিন ধৰি উপেক্ষিত হৈ আহিছে তেওঁলোক ৷ সঘনে উচ্ছেদিত হয় তেওঁলোকৰ বিপণীসমূহ ৷ সেয়ে সাম্ভাব্য বিজয়ী প্ৰাৰ্থীসকলে পদপথৰ ব্যৱসায়ীসকলৰ সমস্যা সমাধানৰ বাবে আগতীয়াকৈ জনাইছে আহ্বান ৷
ইফালে পদপথৰ ব্যৱসায়ী সন্থাৰ সভাপতি চন্দন চক্ৰৱৰ্তীয়ে কয় যে, কেৱল চকী শুৱনি কৰা পৌৰসভাৰ প্ৰতিনিধি নালাগে । কেৱল চকী শুৱনি কৰা নহয়, কাম কৰা প্ৰতিনিধিৰ প্ৰয়োজন ব্যৱসায়ীসকলক ৷ লগতে তেওঁ কয় যে, কৰ দিয়াৰ বিনিময়ত সুবিধা প্ৰদান কৰিব লাগে পৌৰসভাই । সেয়ে যোগ্য প্ৰার্থীক সকলোৱে সমৰ্থন দিয়াৰ আহ্বান ব্যৱসায়ী সন্থাৰ সভাপতিগৰাকীৰ ৷
লগতে পঢ়ক : Manipur Election 2022 : আজি মণিপুৰত ভাগ্য নিৰ্ণয় হ’ব 92 গৰাকী প্ৰাৰ্থীৰ ভাগ্য
