লখিমপুৰ,1 মাৰ্চ:পাঁচ বছৰেই চাৰ্টাড প্লেনত উঠি ঘূৰি ফুৰা বিজেপি নেতাই এতিয়া নিৰ্বাচনৰ প্ৰাকমূৰ্হুতত চাইকেল চলাই ৰাইজৰ কাষ চাপিছে ৷ লখিমপুৰত উপস্থিত হৈ এই মন্তব্য কৰিছে কংগ্ৰেছ নেত্ৰী প্ৰিয়ংকা গান্ধীয়ে ৷ সোমবাৰে লখিমপুৰত যুৱ কংগ্ৰেছক লগত লৈ নিবনুৱা প্ৰতিবাদী অভিযানৰ পাতনি মেলি নিখিল ভাৰত কংগ্ৰেছ কমিটিৰ সম্পাদিকা প্ৰিয়ংকা গান্ধীয়ে তীব্ৰ সমালোচনা কৰে বিজেপিক ৷
গান্ধীয়ে বৃহৎ পুঁজিপতিৰ হৈ বিজেপি চৰকাৰে কাম কৰা বুলি অভিযোগ কৰি বানপানী, কৰ'ণা ভাইৰাছৰ সময়চোৱাত কেন্দ্ৰ চৰকাৰৰ মন্ত্ৰী অসমলৈ আহিবলৈ আহৰি নোপোৱা বুলিও অভিযোগ কৰে ৷ যাৰ পৰিপ্ৰেক্ষিতত বিজেপিক প্ৰত্যাখ্যান কৰিবলৈ সৰ্বসাধাৰণ ৰাইজক আহ্বান জনাই কংগ্ৰেছ নেত্ৰী প্ৰিয়ংকা গান্ধীয়ে ৷
ইপিনে, অসমৰ কলা, সাহিত্য-সংস্কৃতিৰ উন্নয়নৰ বাবে বিজেপি চৰকাৰে কোনো ধৰণৰ পদক্ষেপ নোলোৱা বুলি ক্ষোভ প্ৰকাশ কৰি অসমৰ ভবিষ্যত মজবুত কৰাৰ বাবে মহাজোঁটক ভোট দিবলৈ আহ্বান জনায় প্ৰিয়ংকা গান্ধীয়ে ৷
আনহাতে, লখিমপুৰৰ চাবতিত আয়োজিত প্ৰতিবাদী সভাত প্ৰদেশ কংগ্ৰেছৰ সভাপতি ৰিপুন বৰা, সাংসদ গৌৰৱ গগৈ, বিধায়ক ৰকিবুল হুছেইন, সাংসদ প্ৰদ্যুৎ বৰদলৈ, ৰাণী নৰহ, বিৰোধী দলপতি দেবব্ৰত শইকীয়া, সুস্মিতা দেৱে অংশগ্ৰহণ কৰে ৷