লখিমপুৰ,29 ছেপ্তেম্বৰ : লখিমপুৰত কেমেৰাৰ সন্মুখত কান্দিছে এগৰাকী শিক্ষয়িত্ৰীয়ে । কোনো পাৰিবাৰিক কন্দলৰ বাবে নহয় । শিক্ষা বিভাগৰ দ্বাৰা বঞ্চিত হোৱাৰ বাবে এগৰাকী শিক্ষয়ত্ৰীয়ে শোক সম্বৰণ কৰিব নোৱাৰি কেমেৰাৰ সন্মুখতে উঠিল উচুপি ৷
কেৱল এগৰাকী বা দুগৰাকী শিক্ষয়ত্ৰী নহয়, চৰকাৰ তথা বিভাগীয় কৰ্তৃপক্ষৰ পৰা বঞ্চনাত প্ৰতাৰিত হোৱাৰ বাবে ৰাজ্যৰ একাংশ শিক্ষক-শিক্ষয়িত্ৰীয়ে এতিয়া টুকিব লগা হৈছে চকুলো । উল্লেখ্য যে, বিগত ১৯৯১ চনৰ পৰা ২০০১ চনলৈ প্ৰাথমিক বিদ্যালয়ত নিযুক্তি লাভ কৰি দৰমহা পোৱাৰ উপৰি প্ৰশিক্ষণো লৈছিল এই শিক্ষক সকলে । কিন্তু পৰৱৰ্তী সময়ত এই শিক্ষক সকলৰ দৰমহা বন্ধ কৰি দিয়া হয় ।
মনকৰিবলগীয়া যে, একাংশই দৰমহা নোপোৱাকৈ অথবা প্ৰশিক্ষণ নোহোৱাকৈয়ে শিক্ষকতাৰ বৃত্তিত নিয়োজিত হৈ আছিল ।
শেহতীয়াকৈ বিভাগীয় কৰ্তৃপক্ষই সেই সকল শিক্ষকৰ তথ্য-পাতি আদি পৰীক্ষা কৰি পদ নিয়মীয়া কৰণৰ ব্যৱস্থা কৰে । কিন্তু এই প্ৰক্ৰিয়াটো দুৰ্নীতি সংঘটিত হোৱাৰ এক অভিযোগ উত্থাপিত হৈছে । কিয়নো পূৰ্বতে এদিনো স্কুলৰ মুখ নেদেখা একাংশ শিক্ষকে লাভ কৰিলে চৰকাৰী শিক্ষকৰ মৰ্যদা ৷ ইয়াৰ বিপৰীতে যি সকল শিক্ষকে বিনা স্বাৰ্থত বছৰ বছৰ ধৰি শিক্ষকতা কৰি আহিছিল তেওঁলোকে কিন্তু লাভ নকৰিলে শিক্ষকৰ মৰ্যদা ৷
লগতে পঢ়ক : চাকৰিৰৰ নামত চলিছে দৰ দাম; ভিডিঅ’ ভাইৰেল
আনকি একাংশ শিক্ষকৰ পদ নিয়মীয়া কৰাৰ বিপৰীতে কৰ্তনহে হ’ল বহু কেইগৰাকী প্ৰকৃত শিক্ষকৰ চাকৰি ৷ মঙলবাৰে লখিমপুৰত আয়োজন কৰা এক সংবাদ মেলত এই অভিযোগ উত্থাপন কৰিছে একাংশ বঞ্চিত শিক্ষকে । আনহাতে, একাংশ বঞ্চিত শিক্ষকৰ দাবী এই প্ৰক্ৰিয়াত সংঘটিত হৈছে ব্যাপক ধনৰ লেনদেন ব্যাপক ধনৰ লেনদেনো ৷
একাংশ বঞ্চিত শিক্ষকৰ অভিযোগ, বছৰ বছৰ ধৰি বিনা স্বাৰ্থত শিক্ষকতাৰ বৃত্তিত নিয়োজিত হৈয়ো নাপালে প্ৰকৃত শিক্ষকৰ মৰ্যদা ৷ যাৰ ফলত এতিয়া ক্ষোভিত হৈ পৰিছে বঞ্চিত শিক্ষক সকল ৷ ৰাজ্য চৰকাৰলৈ বঞ্চিত শিক্ষকৰ দাবী, এই পদ নিয়মীয়া কৰণৰ প্ৰক্ৰিয়াত সংঘটিত হোৱা দুৰ্নীতিৰ সন্দৰ্ভত এক তদন্ত ঘোষণা কৰক কৰি দোষীক শাস্তি প্ৰদান কৰক ৷
লগতে পঢ়ক: কাগজ কলৰ বিষয়া-কৰ্মচাৰীৰ বাবে চৰকাৰৰ ৫৭০ কোটি টকাৰ পেকেজ
