বিহপুৰীয়া, 17 জুলাই : এটি পৰিয়ালে চিকিৎসকৰ পৰামৰ্শ অবিহনে ঔষধ (medicin) খোৱাই নিজ সন্তানক হেৰুৱাব লগা হয় । ঔষধ সেৱনৰ পিছতে নাকেৰে তেজ নিগৰি মৃত্যু মুখত পৰে ২৫ দিনীয়া কণমানি শিশুটি (CHILD) । নাৰায়ণপুৰৰ (NARYANPUR) জালভৰীয়াত সংঘটিত হৈছে এই হৃদয়বিদাৰক ঘটনা ।
উল্লেখযোগ্য যে, জালভৰীয়া গাঁৱৰ সুমঙল দাস আৰু মামু দাসৰ কন্যা সন্তানটি যোৱা দুদিন ধৰি চৰ্দি-জ্বৰত আক্ৰান্ত হৈ আছিল । সন্তানটিৰ মাতৃয়ে সদ্যজাত শিশুটিৰ চিকিৎসাৰ বাবে ওচৰৰে এখন ফাৰ্মাচীৰ পৰা ক্ৰয় কৰিছিল ঔষধ ৷ আৰোগ্য মেডিক'জ নামৰ ফাৰ্মাচীখনৰ পৰা ক্ৰয় কৰা ঔষধ সেৱন কৰোৱাৰ পিছতে নাকেমুখে তেজ নিগৰে শিশুটিৰ ৷
অৱশেষত শুকুৰবাৰে পুৱতি নিশা শিশুটি মৃত্যু মুখত পৰে । পৰৱৰ্তী সময়ত পৰিয়ালৰ লোকে নাৰায়ণপুৰ আৰক্ষী (NARYANPUR POLICE) থানাত দিয়া এজাহাৰৰ ভিত্তিত স্থানীয় দণ্ডধীশৰ উপস্থিতিত পুঁতি থোৱা অৱস্থাৰ পৰা শিশুটিৰ মৃতদেহ খান্দি উলিয়াই মৰনোত্তৰ পৰীক্ষাৰ ব্যৱস্থা কৰে ।
সম্প্ৰতি সমগ্ৰ ঘটনাৰ তদন্ত আৰম্ভ কৰিছে আৰক্ষীয়ে । ক'ভিড সৃষ্ট পৰিৱেশৰ মাজতে সংঘটিত হোৱা এই ঘটনাই সমগ্ৰ অঞ্চলটোতে তীব্ৰ চাঞ্চল্যৰ সৃষ্টি কৰিছে ।
লগতে পঢ়কঃ Budget2021-22 : কি বিচাৰে অসমৰ জনসাধাৰণে?
