লখিমপুৰ, 9 অক্টোবৰ: পুনৰ নামনি সোৱণশিৰি জলবিদ্যুত প্ৰকল্পত সংঘটিত হৈছে ভয়ংকৰ ভূমিস্খলন (NHPC Lower Subansiri Dam) ৷ গেৰুকামুখৰ NHPC ত সংঘটিত হৈছে ভয়ংকৰ ভূমিস্খলন (Landslide at Lower Subansiri Hydropower Project) । NHPC ত বাঁওপাৰত হোৱা এই ভূমিস্খলনৰ ফলত তচনচ হৈ পৰিছে বিতৰ্কিত জলবিদ্যুৎ প্ৰকল্পটোৰ ডাইভাৰ্চন টানেল আৰু পথ (Landslide damages NHPC Lower Subansiri Dam ৷
প্ৰকৃতি যেন ৰুষ্ট হৈ পৰিছে গেৰুকামুখৰ NHPCৰ ওপৰত ৷ উল্লেখ্য যে, বিগত কিছুদিনৰ পৰা বিতৰ্কিত নদী বান্ধটোত ইটোৰ পিছত সিটো অথন্তৰ ঘটিয়েই আছে ৷ কেতিয়াবা যদি টানেলৰ ছাদ খহি শ্ৰমিক মৰিছে, কেতিয়াবা শ্ৰমিক বিদ্যুতস্পৃষ্ট হৈছে ৷ কেতিয়াবা আকৌ টানেল ভাগি পথ বিধ্বস্ত হৈছে ৷ প্ৰকৃতিও যেন বাৰে বাৰে সোঁৱৰাই দিছে যে গেৰুকামুখত বৃহৎ নদী বান্ধ সম্ভৱ নহয় ৷
বিশেষজ্ঞৰ মতামতক প্ৰমাণ কৰি এজাক বৰষুণতে চপৰা চপৰে খহিছে গেৰুকামুখৰ ঠুনুকা পাহাৰ ৷ যিয়ে অদুৰ ভবিষ্যতে কেৱল লখিমপুৰ বা ধেমাজিৰ বাবেই নহয় উজনি অসমৰ বাবেই এক অশনি সংকেত কঢ়িয়াই আনিছে । পিছে চৰকাৰে জনমতক আওকাণ কৰি প্ৰকল্পটো নিৰ্মাণত উঠিপৰিহে লাগিছে ৷
লগতে পঢ়ক: নামনি সোৱণশিৰি জলবিদ্যুত প্ৰকল্পত ভূমিস্খলন
