ছচিয়েল মিডিয়াৰ এটা ভাল খবৰ

ইউ টিউবৰ যোগেদি প্ৰথমে দুদুলে শিকিলে বাঁহী বজাবলৈ। লাহে লাহে দুদুল আগ্ৰহী হ'ল বাঁহী প্ৰস্তুত কৰিবলৈ। ইউটিউব চাই বনোৱা বাঁহী বিক্ৰী কৰি দুদুল এতিয়া স্বাৱলম্বী ৷ লখিমপুৰ জিলাৰ বিভিন্ন বিপণীৰ লগতে ফেচবুকৰ জৰীয়তে দুদুলৰ বাঁহী এতিয়া সমাদৃত হৈছে হাৰিয়ানা,ৰাজস্থান,দিল্লীত।

লখিমপুৰ,29 নৱেম্বৰঃ বহুতে কয়,ছ'চিয়েল মিডিয়াৰ অপ ব্যৱহাৰৰ ফলত যুৱ প্ৰজন্মক বিপথগামী হৈছে ৷ এই কথাষাৰৰ বিপৰীতে আমি আপোনালোকক দিব বিচাৰিছো এটা ভাল খবৰ ৷ ছ'চিয়েল মিডিয়া ব্যৱহাৰ কৰি এজন যুৱকে দেখুৱাইছে নিদৰ্শন৷ ঘৰতে বহি যুৱকজনে ধন ঘটাৰ লগতে ইউটিউব ব্যৱহাৰ কৰি শিকিছে বাঁহী বজাবলৈ ৷ ছ'চিয়েল মিডিয়াৰ ব্যৱহাৰে যুৱ প্ৰজন্মক ধ্বংস কৰাৰ বহু নজিৰ আছে যদিও,ছ'চিয়েল মিডিয়াৰো আছে যোগাত্মক প্ৰভাৱ। এটা ভয়ংকৰ দুৰ্ঘটনাত দুবছৰ পুৰ্বে বেয়াকৈ আঘাত পাইছিল লখিমপুৰ লোকামপুৰৰ যুৱক দুদুল শইকীয়াই ৷ দিন হাজিৰা কৰা দুদুলৰ দুৰ্ঘটনাৰ পিছতে বন্ধ হৈ পৰিছিল উপাৰ্জনৰ পথ। কিন্তু থমকি নৰ'ল দুদুল শইকীয়া ৷ ঘৰখন চলাবলৈ উপায়হীন হৈ পৰা দুদুলে উপাৰ্জনৰ পথ বাছি ল'লে ছ'চিয়েল মিডিয়াৰ যোগেদি ৷

ইউ টিউবৰ যোগেদি প্ৰথমে দুদুলে শিকিলে বাঁহী বজাবলৈ। লাহে লাহে দুদুল আগ্ৰহী হ'ল বাঁহী প্ৰস্তুত কৰিবলৈ। ইউ টিউব চাই বনোৱা বাঁহী বিক্ৰী কৰি দুদুল এতিয়া স্বাৱলম্বী ৷ লখিমপুৰ জিলাৰ বিভিন্ন বিপণীৰ লগতে ফেচবুকৰ জৰীয়তে দুদুলৰ বাঁহী এতিয়া সমাদৃত হৈছে হাৰিয়ানা,ৰাজস্থান,দিল্লীত। বাঁহী প্ৰস্তুত কৰিবৰ বাবে দুদুলে বাঁহ সংগ্ৰহ কৰে নাগালেণ্ড,কাৰ্বি আংলং আদিৰ পৰা। মাহে ১২ হাজাৰৰ পৰা ২০ হাজাৰ টকা পৰ্যন্ত বাঁহী বিক্ৰী কৰি ঘৰৰ পৰায়েই উপাৰ্জন কৰে দুদুলে। ছ'চিয়েল মিডিয়া যোগাত্মক দিশত ব্যৱহাৰ কৰি উপাৰ্জনৰ পথ সুগম কৰা দুদুল হৈ পৰিছে আন দহ জনৰ বাবে অনুপ্ৰেৰণা।

লগতে চাওকঃবানপানীৰ বাবে ৰাইজৰ ওচৰত হাত পতা চৰকাৰে ফিল্ম ফেয়াৰৰ বাবে ক'ত টকা পালে ?