বিহপুৰীয়াত নকল টকাৰ বেহা:গাঁওৰক্ষী বাহিনীৰ জালত ৫ জনীয়া দল

উক্ত গাড়ীখনত 5 জন আৰোহীয়ে কঢ়িয়াই আনিছিল 12 লাখ নকল টকা ৷ পৰৱৰ্তী সময়ত ঘটনাস্থলীত উপস্থিত হয় বিহপুৰীয়া আৰক্ষী। ইতিমধ্যে আৰক্ষীয়ে 5 জনীয়া দলটোক গ্ৰেপ্তাৰ কৰি অব্যাহত ৰাখিছে তদন্ত ৷

লখিমপুৰ, 21 অক্টোবৰ: লখিমপুৰ জিলাত নকল টকাৰ বেহা কোনো নতুন কথা নহয় । এইবাৰ গাঁওৰক্ষী বাহিনীৰ পহৰাত 12 লাখ টকাসহ জালত পৰিল 5 জন জাল নোটৰ ব্যৱসায়ী। বান্দৰদেৱা আৰু বিহপুৰীয়া সংযোগী বামুণ গাঁৱত গাঁওৰক্ষী বাহিনীয়ে পহৰা দি থকা সময়তে নিশা আটক কৰে এখন গাড়ী। সোধ-পোছৰ পিচত ওলাই পৰে জোলোঙাৰ মেকুৰী। উক্ত গাড়ীখনত 5 জন আৰোহীয়ে কঢ়িয়াই আনিছিল 12 লাখ নকল টকা ৷ পৰৱৰ্তী সময়ত ঘটনাস্থলীত উপস্থিত হয় বিহপুৰীয়া আৰক্ষী । ইতিমধ্যে আৰক্ষীয়ে 5 জনীয়া দলটোক গ্ৰেপ্তাৰ কৰি অব্যাহত ৰাখিছে তদন্ত ৷ আৰক্ষীয়ে এখন গাড়ী, 3 খন বাইকসহ গ্ৰেপ্তাৰ কৰিছে বৰচলাৰ ইউচুফ আলী,নগাঁও ৰুপহীৰ আব্দুল চৈইদ,ইচলামপুৰৰ কুৰবান আলী,আহমেদপুৰৰ মিজানুল ইছলাম,আৰু দৌলতপুৰৰ জেহেৰুল হকক।