লখিমপুৰ, 16 আগষ্টঃ বৃহস্পতিবাৰে মহাপুৰুষ মাধৱদেৱৰ জন্মস্থান নাৰায়ণপুৰত উপস্থিত হয় মন্ত্ৰী ড0 হিমন্ত বিশ্ব শৰ্মা ৷ মাধৱদেৱ কলাক্ষেত্ৰলৈ ৩১ কোটি মুকলি কৰি দিয়াৰ সিদ্ধান্ত গ্ৰহণ কৰিছে বুলি মন্তব্য হিমন্ত বিশ্ব শৰ্মাৰ ৷২০০৭চনত আধাৰশিলা স্থাপন কৰা নাৰায়ণপুৰৰ মাধৱদেৱ কলাক্ষেত্ৰকলৈ হিমন্ত বিশ্ব শৰ্মাৰ বিশেষ পদক্ষেপ ৷ তেওঁৰ নেতৃত্বত অসম চৰকাৰে প্ৰথম পৰ্যায়ত ৩১ কোটি মুকলি কৰি দিয়াৰ সিদ্ধান্ত গ্ৰহণ কৰিছে বুলি বৃহস্পতিবাৰে নাৰায়ণপুৰত উপস্থিত হৈ ঘোষণা কৰে মন্ত্ৰী ড0 হিমন্ত বিশ্ব শৰ্মাই ৷
ইতিমধ্যে যোৱা বাজেট অধিবেশনত ১০ কোটি টকা অনুমোদন কৰা হৈছে বুলিও মন্তব্য কৰে শৰ্মাই ৷ লগতে কলাক্ষেত্ৰখনৰ নতুনকৈ নক্সা প্ৰদৰ্শন কৰে স্থাপত্যবিদ চিন্ময় ফুকন আৰু কৌশিক বৰাই ৷ উল্লেখ্য যে, অহা ১৮ মাহৰ ভিতৰত ৰাইজৰ বাবে মুকলি কৰিবলগীয়া মাধৱদেৱ কলাক্ষেত্ৰৰ সমিতিৰ সদস্যৰ দৰমহা চৰকাৰৰ ফালৰ পৰা দিয়া হ'ব বুলি ঘোষণা কৰে মন্ত্ৰীজনে৷
