লখিমপুৰ, 25 জুন: লখিমপুৰৰ কাকৈ সংৰক্ষিত বনাঞ্চলত অসমৰ বন বিভাগে এটা বন্দুক, গুলীসহ এটা কাঠ কটা মেচিন জব্দ কৰিবলৈ সক্ষম হয় ৷ দুৰ্বৃত্তই গোপনে গছ কটা জানিব পাৰি বন বিভাগে চলোৱা অভিযানত বন্দুকসহ এটা কাঠ কটা মেচিন জব্দ কৰিবলৈ সক্ষম হয় ৷ শনিবাৰে সন্ধিয়াৰ পূৰ্বে সংঘটিত হয় জিলাখনৰ কাকৈ সংৰক্ষিত বনাঞ্চলত বনকৰ্মীয়ে জব্দ কৰে এই বন্দুক আৰু মেচিন ৷
উল্লেখ্য যে, হাতত বন্দুক লৈ অৰুনাচলী দুৰ্বৃত্তই কাটে সংৰক্ষিত বনাঞ্চলৰ মূল্যৱান গছ ৷ অসমৰ বন বিভাগৰ লোকে গছ কটাত বাধা দিবলৈ গ’লে গুলীচালনা কৰি ভীতিগ্ৰস্ত কৰে অৰুণাচলী দুৰ্বৃতই ৷ এনে ঘটনা প্ৰায়েই সংঘটিত হৈ আহিছে এই অঞ্চলত ৷
কিন্ত এইবাৰ বন বিভাগৰ লোকে দুৰ্বৃত্তৰ ভাবুকিলৈ কেৰেপ নকৰি দুৰ্বৃত্তক খেদি বন্দুক, গুলীৰ লগতে গছ কটা মেচিন উদ্ধাৰ কৰিবলৈ সক্ষম হয় ৷ এই ঘটনা কাকৈ সংৰক্ষিত বনাঞ্চলত অৰুণাচলী দুৰ্বৃত্তৰ পৰা সাহসেৰে এটা বন্দুক আৰু এটা কাঠ কটা মেচিন জব্দ কৰিলে লখিমপুৰ বন বিভাগে ৷
উল্লেখ্য যে, শনিবাৰে বিয়লি অসমৰ কাকৈ সংৰক্ষিত বনাঞ্চলত গছ কাটি আছিল অৰুণাচলী দুৰ্বৃত্তই ৷ এই খবৰ লাভ কৰি জিলাৰ বন বিষয়া গৰাকীয়ে বনৰক্ষীক অভিযান চলাবলৈ নিৰ্দেশ দিয়ে ৷ ঘটনাস্থলীত লখিমপুৰৰ বন বিভাগৰ লোক উপস্থিত হোৱাৰ পিছতে পলাই যায় দুৰ্বৃত্তৰ দলটো ৷ অৱশ্যে ঘটনাস্থলীৰ পৰা এটা বেৰেল গান (এনলীয়া বন্দুক) আৰু এটা পাৱাৰ চেইন শ্ব' মেচিন জব্দ কৰে বন বিভাগৰ লোকে ৷
শনিবাৰে সন্ধিয়া এই ঘটনা সংঘটিত হোৱাৰ পিছত বন বিভাগৰ লোকে অভিযান সামৰে যদিও দেওবাৰে পুনৰ এই বনাঞ্চলখনত অব্যাহত ৰাখিছে অভিযান ৷ সীমান্তৰ অসমীয়া লোকৰ লগতে বন বিভাগৰ লোককো গুলীচালনা কৰি ভীতিগ্ৰস্ত কৰি অহা অৰুণাচলী দুৰ্বৃত্তৰ বিৰুদ্ধে অসমৰ বন বিভাগে এইবাৰ সাহসেৰে যোগ্য প্ৰত্যুত্তৰ দিয়া বুলি এতিয়া সৰ্বত্ৰে চৰ্চা চলিছে ৷
লগতে পঢ়ক: Flood in Assam: বৰপেটাত বানাক্ৰান্তৰ শিবিৰ পৰিদৰ্শন উপায়ুক্ত আয়ুষ গৰ্গেৰ
