লখিমপুৰ, 24 এপ্ৰিলঃ লক ডাউনৰ সময়ত খাদ্য সংকটত পৰা দৰিদ্ৰ লোকসকলক সহায়ৰ হাত আগবঢ়াইছে ৰাজ্য চৰকাৰে ৷ কিন্তু তেনে সময়তে চৰকাৰী সাহাৰ্য দিয়াৰ নামত চলিছে ব্যাপক দুৰ্নীতি-অনিয়ম ৷ এই কাণ্ড সংঘটিত হৈছে লখিমপুৰ জিলাত ৷ জিলাখনৰ তেলাহী বান্তৌৰ বহু পৰিয়ালে চৰকাৰী সাহাৰ্যৰ নামত লাভ কৰিছে পঁচা চাউল ৷ যি চাউল কোনো প্ৰকাৰে খোৱাৰ বাবে উপযোগী নহয় ৷ ইয়াৰ উপৰিও আঠাযুক্ত চাউলখিনিৰ লগতে ওলাইছে পোক ৷ ইয়াকে লৈ এতিয়া শংকিত হৈ পৰিছে তেলাহী বান্তৌৰ দৰিদ্ৰ লোকসকল ৷ দুৰ্যোগৰ এই সময়ত চৰকাৰী সাহাৰ্যৰ নামত এই ধৰণৰ চাউল বিতৰণক লৈ ব্যাপক প্ৰতিক্ৰিয়াৰ সৃষ্টি হোৱাৰ লগতে চৰকাৰী সাহাৰ্য বিতৰণৰ ক্ষেত্ৰত একাংশ লোক যে দুৰ্নীতিত লিপ্ত হৈছে সেইয়াও স্পষ্ট হৈ পৰিছে ৷
চৰকাৰী সাহাৰ্য বিতৰণৰ নামত ব্যাপক দুৰ্নীতি-অনিয়ম!
লগতে পঢ়কঃ চৰকাৰে শিক্ষাৰ্থীসকলৰ ঘৰভাড়া ৰেহাই দিয়ক : সদৌ অসম আইন ছাত্ৰ সন্থা
