বিহপুৰীয়া,16 মে’ : শিক্ষামন্ত্ৰীৰ দায়িত্ব লাভ কৰাৰ পাচতে শনিবাৰে প্ৰথমবাৰৰ বাবে নাৰায়ণপুৰৰ মাধৱদেৱ বিশ্ববিদ্যালয়ত উপস্থিত হয় ডাঃ ৰণোজ পেগু ৷ মহাপুৰুষ মাধৱদেৱৰ প্ৰতিচ্ছবিৰ সন্মুখত বন্তি প্ৰজ্বলন কৰি সেৱা লয় মন্ত্ৰীগৰাকীয়ে ।
ইয়াৰ পাচতে বিশ্ববিদ্যালয়খনৰ প্ৰেক্ষাগৃহত আয়োজন কৰা এখন সম্বৰ্ধনা সভাত অংশগ্ৰহণ কৰি শিক্ষামন্ত্ৰীগৰাকীয়ে প্ৰস্তাৱিত মাধৱদেৱ বিশ্ববিদ্যালয়ক দেশৰ ভিতৰতে এখন আগশাৰীৰ বিশ্ববিদ্যালয় হিচাপে গঢ়ি তোলাৰ কথা ঘোষণা কৰে । বিশ্ববিদ্যালয়খনৰ প্ৰয়োজনীয় আন্তঃগাঁঠনি আৰু খালি পদসমূহ কম দিনৰ ভিতৰতে পূৰণ কৰাৰ কথাও ঘোষণা কৰে শিক্ষামন্ত্ৰী পেগুৱে ।
আনহাতে সদ্য প্ৰাদেশীকৃত শিক্ষকসকলে পাবলগীয়া দৰমহা আৰু বঞ্চিত শিক্ষকসকলৰ পদসমূহ পৰীক্ষা-নিৰীক্ষাৰ অন্তত শীঘ্ৰেই প্ৰাদেশিকীকৰণ কৰাৰ কথা উল্লেখ কৰাৰ সমান্তৰালকৈ বঞ্চিত শিক্ষাৰ্থী সকলকো এসপ্তাহ-দহ দিনৰ ভিতৰতে স্কুটী প্ৰদান কৰাৰ কথা ঘোষণা কৰে শিক্ষামন্ত্ৰীগৰাকীয়ে ।
উক্ত সভাত আদৰণি ভাষণ প্ৰদান কৰে বিশ্ববিদ্যালয়ৰ পঞ্জীয়ক ড৹ শৰৎ হাজৰিকাই ৷ সভাত স্থানীয় বিধায়ক ড৹ অমিয় কুমাৰ ভূঞা আৰু জিলা উপায়ুক্ত খৰ্গেশ্বৰ পেগু উপস্থিত থাকে ৷
লগতে পঢ়ক : টিংৰাই বিস্ফোৰণত জড়িত থকা সন্দেহত এজনক আটক
