বিহপুৰীয়া, ২১ এপ্ৰিল : চৌদিশে ৰঙালীৰ ৰং । উৎসৱৰ বতৰা লৈ অহা ব'হাগক আদৰাত ব্যস্ত ৰাজ্যৰ ভিন্ন জাতি-জনগোষ্ঠী । সমান্তৰালকৈ পৰম্পৰা ৰক্ষা কৰি ব'হাগৰ প্ৰথমটো বুধবাৰে অসমৰ অন্যতম ভূমিপুত্ৰ দেউৰীসকলে পালন কৰে ইবাকু বিচ্চু(Deori Bihu celebrations in Assam) । নাচি-বাগি আনন্দত মতলীয়া হৈ পৰে দেউৰীসকল ।
ব'হাগৰ প্ৰথমটো বুধবাৰে পৰম্পৰা ৰক্ষা কৰি দেওশালত পূজা-অৰ্চনা কৰি বিহুটিক আদৰণি জনোৱা হয় ৷ বৃহস্পতিবাৰে পুৱা বোকা বিহু পাতি আনন্দত মতলীয়া হয় দেউৰী ডেকা-গাভৰু প্ৰত্যেকে । বৃহস্পতিবাৰে পুৱা বিহপুৰীয়াৰ বাঁহগড়া দেউৰী গাঁৱত আৰু নাৰায়ণপুৰ বৰদেউৰী গাঁৱত দেউৰী জনগোষ্ঠীৰ লোকসকলে পালন কৰে বোকা বিহু ৷
পুৱাই দেউৰী জনগোষ্ঠীৰ সকলো ডেকা-গাভৰু একেলগ হৈ বোকা বিহু পালন কৰি আনন্দ-উল্লাসত মতলীয়া হৈ পৰা পৰিলক্ষিত হয় ৷ বোকা বিহু মাৰি গাঁৱৰ প্ৰতিঘৰৰ পদূলিত ডেকা, গাভৰু-বোৱাৰী সকলোৱে হুঁচৰি মাৰি গৃহস্থৰ মংগল কামনা কৰে ৷ ইফালে বিয়লি গাঁৱৰ ডেকা-বুঢ়া সকলোৰে মিলি নামঘৰত বিহু আয়োজন কৰিব ৷
লগতে পঢ়ক: Assam Arunachal Border Dispute : গঠন কৰা হ'ব 12 খনকৈ 24 খন সমিতি
