নাৰায়ণপুৰৰ বৰ্ন বিন্যাসৰ বাকৰিত শিশু দিৱস উদযাপন

নাৰায়ণপুৰৰ 'বৰ্নবিন্যাস' পুথিভঁৰালৰ প্ৰাংগণত বৰ্ণাঢ্য কাৰ্যসূচীৰে উদযাপন কৰা হৈছে শিশু দিৱস ৷ উক্ত অনুষ্ঠানত শতাধিক ছাত্ৰ-ছাত্ৰী উপস্থিত হৈ বিভিন্ন সাংস্কৃতিক অনুষ্ঠান প্ৰদৰ্শন কৰে ৷

বিহপুৰীয়া, 14 নৱেম্বৰঃ আজি 14 নৱেম্বৰ, শিশু দিৱস ৷ দেশৰ বিভিন্ন প্ৰান্তত আজি পালন কৰা হৈছে শিশু দিৱস ৷ সমান্তৰালকৈ লখিমপুৰ জিলাৰ নাৰায়ণ পুৰতো বিভিন্ন কাৰ্যসূচীৰে পালন কৰা হয় শিশু দিৱস ৷

নাৰায়ণপুৰৰ সাহিত্য-সাংস্কৃতিক অগ্ৰণী অনুষ্ঠান 'আমি আপোনাৰ বাবে' নামৰ অনুষ্ঠানটোৰ উদ্যোগত শিশু দিৱস উদযাপন কৰা হয় ৷ 'আমি আপোনাৰ বাবে'ৰ দ্বাৰা নিৰ্মিত 'বৰ্নবিন্যাস' পুথিভঁৰালৰ প্ৰাংগণত উলহ মালহেৰে, বৰ্ণাঢ্য কাৰ্যসূচীৰে উদযাপন কৰা হৈছে ৷ শিশু দিৱস বিশেষ 'ৰংমেলা' শীৰ্ষক অনুষ্ঠানটোত শতাধিক শিশুৱে নিজৰ নিজৰ প্ৰতিভাসমূহ প্ৰদৰ্শন কৰে ৷ উক্ত অনুষ্ঠানত বিভিন্ন গীত-মাত-নৃত্য পৰিৱেশন কৰিবলৈ পাই উৎফুল্লিত হৈ পৰে শিশুসকল ৷

লগতে পঢ়ক- আঘাতপ্ৰাপ্ত বনৰীয়া হাতীক চিকিৎসা প্ৰদানত ব্যৰ্থ বন বিভাগ