বিহপুৰীয়া,27ডিচেম্বৰঃ ৰক্তদান জীৱনদান। এই বাক্যশাৰী আগত ৰাখি আগবঢ়া প্ৰতিগৰাকী লোকেই একো একোজন জীৱনদাতা । কাৰোবাৰ এটোপাল তেজে বচাব পাৰ আনজনৰ জীৱন । সেয়েহে বহু ব্যক্তি তথা স্বেচ্ছাসেৱী সংস্থাই বিভিন্ন সময়ত কৰি আহিছে ৰক্তদান । দেওবাৰে লখিমপুৰ জিলাৰ নাৰায়ণপুৰৰ ব্যক্তিগত বেংকিং প্ৰতিষ্ঠান অন্নপূৰ্ণা ফাইনেঞ্চ প্ৰাইভেট লিমিটেডৰ ৩০সংখ্যক বৰ্ষপূতি উপলক্ষে ৰূপায়ণ কৰা হয় এক ৰক্তদান কাৰ্যসূচী । নাৰায়ণপুৰ নগৰস্থিত কৰ্মচাৰী পৰিষদৰ কাৰ্যালয়ত অনুষ্ঠিত হোৱা ৰক্তদান শিবিৰটোত লখিমপুৰ জিলা চিকিৎসালয়ৰ ৰক্তভঁৰালৰ স্বাস্থ্যকৰ্মীসকলে ৰক্তদাতা সকলৰ পৰা তেজ সংগ্ৰহ কৰে । প্ৰতিগৰাকীকে ক'ভিড টেষ্ট কৰি ৰক্ত লোৱা শিৱিৰটোত প্ৰায় ৩০ জনৰো অধিক ৰক্তদাতাই ৰক্তদান কৰে ।
ইপিনে, এই ৰক্তদান কাৰ্যসূচীত ৰাজ্যৰ অন্যতম এটা স্বেচ্ছাসেৱী সংস্থা টিম হিউমেনটিয়ে সহযোগিতা আগবঢ়ায় । টিম হিউমেনটিৰ হৈ ৰাজ্যিক মুখপাত্ৰ দেৱৰাজ বৰাই কেইবাজনো ৰক্তদাতা যোগাৰ কৰাৰ লগতে কাৰ্যসূচীত সৰ্বতোপ্ৰকাৰে সহযোগিতা আগবঢ়ায় । আনহাতে, অনুষ্ঠানত নাৰায়ণপুৰ শাখাৰ শাখা পৰিচালক দিম্পল দিহিংগীয়া, ইউনিট মেনেজাৰ মৃণাল হালৈ, লালুক শাখাৰ শাখা পৰিচালক চিন্টু কুমাৰ চাহু,গহপুৰ শখাৰ শাখা পৰিচালক বনজিৎ বৰ্মনকে ধৰি বহু লোক উপস্থিত থাকে ৷
লগতে পঢ়কঃগৃহমন্ত্ৰী অমিত শ্বাহৰে ৰুদ্ধদ্বাৰ বৈঠক অজন্তা নেওগ-ৰাজদ্বীপ গোৱালাৰ
