বিহপুৰীয়া, 3 আগষ্ট : শেহতীয়াকৈ, বিহপুৰীয়া সমষ্টিৰ বিধায়ক ড° অমিয় কুমাৰ ভূঞা(Bihpuria MLA Amiyo Kumar Bhuyan)ই বিধায়ক হিচাপে নিজৰ তিনিমহীয়া কাৰ্যকালৰ খতিয়ান দাঙি ধৰিছে । বিধায়কগৰাকীৰ বাসগৃহৰ সভাকক্ষত আয়োজন কৰা এক সংবাদমেল(Press meet)যোগে বিধায়ক হিচাপে নিৰ্বাচিত হোৱাৰ পিছৰ প্ৰতিটো দিনৰ তথ্য ভিত্তিক খতিয়ান(work report as MLA) দাঙি ধৰে ভূঞাই । সংবাদমেলত বিধায়কগৰাকীয়ে ঘোষণা কৰে যে, প্ৰতিবছৰে সমষ্টিৰ ছাত্ৰ-ছাত্ৰীসকলে যাতে ভাল ফলাফল কঢ়িয়াই আনে তাৰ বাবে তেওঁ শৈক্ষিক উত্তৰণ বঁটা(Saikkhik uttaran award) প্ৰদান কৰিব ৷
এই বঁটাত ক্ৰমে ৫০ হাজাৰ, ২৫ হাজাৰ আৰু ১৫ হাজাৰকৈ নগদ ধন থাকিব বুলি উল্লেখ কৰে বিধায়ক গৰাকীয়ে ৷ পৰৱৰ্তী সময়ত বিধায়কৰ আসনত নাথাকিলেও আজীৱন এই বঁটা প্ৰদান কৰি যাব বুলিও ঘোষণা কৰে বিধায়ক ভূঞাই ৷ ইয়াৰ লগতে, ইতিমধ্যে ৰূপায়ণ কৰা আঁচনি আৰু আগন্তুক দিনত ৰূপায়ণ হ'ব লগা বিষয় সমূহো সবিস্তাৰে প্ৰকাশ কৰিলে বিধায়কগৰাকীয়ে ।
প্ৰগতিৰ দিশত বিহপুৰীয়া সমষ্টিৰ বৰ্ণিল যাত্ৰা আৰম্ভ হোৱা বুলি দাবী কৰি বিধায়ক গৰাকীয়ে প্ৰতিমাহে সংবাদ মাধ্যমৰ যোগে বিগত কাৰ্যকালৰ খতিয়ান দাঙি ধৰিব বুলিও সদৰি কৰিছে । ইফালে, উক্ত অনুষ্ঠানৰ আৰম্ভণিতে লখিমপুৰ জিলা কংগ্ৰেছৰ সম্পাদক, নাৰায়ণপুৰ নগৰৰ ২ নং ৱাৰ্ডৰ ৱাৰ্ড কমিছনাৰ সহিতে অৰ্ধশতাধিক কংগ্ৰেছ কৰ্মীয়ে বিজেপি দলত যোগ দিয়ে ।
লগতে পঢ়ক : অৰুণাচলক লৈ চীনে দৃষ্টিভংগী সলনি কৰক : নিনং এৰিং
