লখিমপুৰ, 2 ডিচেম্বৰ : ডিব্ৰুগড় বিশ্ববিদ্যালয়ৰ নাৰকীয় ৰেগিং কাণ্ডই সমগ্র ৰাজ্য জোঁকাৰি গৈছে । এই ঘটনাত সচেতন মহলে কঠোৰৰ পৰা কঠোৰতম শাস্তি ৰ দাবী তুলিছে অভিযুক্ত ৰ বিৰুদ্ধে । এজন ছাত্রৰ ৰাজহাড় টুকুৰা টুকুৰ কৰি দিয়া এনে অমানৱীয় কাণ্ডই ৰাজ্যখন তোলপাৰ লগাই থকাৰ সময়তে আনন্দ শৰ্মাক ৰেগিংক লৈ এতিয়া নিতৌ ন ন তথ্য উন্মোচিত হ’ব ধৰিছে (DU ragging updates)। লখিমপুৰৰ এজন প্ৰত্যক্ষদৰ্শী ছাত্রই দিলে ৰেগিঙৰ বৰ্ণনা ।
কেৱল এদিনেই নহয়, দীর্ঘদিন ধৰি চলিছিল আনন্দ শৰ্মাৰ ওপৰত অত্যাচাৰ । উত্তৰ লখিমপুৰ মহাবিদ্যালয়ৰ তৃতীয় ষাণ্মাসিকৰ ছাত্র ঋতুপৰ্ণ সূত্ৰধৰ দিলে বৰ্ণনা । আন এজন ছাত্রৰ সৈতে কুইজ প্ৰতিযোগিতাত অংশগ্রহণৰ বাবে গৈ তেওঁ আনন্দ শৰ্মাৰ কোঠাত নিশা যাপন কৰিব লগীয়া হৈছিল । নিজেই দেখিছিল কেনেকৈ চলে ৰেগিং ৷ ডাষ্টবিনত প্ৰাৰ্থনা কৰোৱা, নিশা শাৰী পাতি ঠিয় কৰাই ৰখা আদি অনেক আতিশয্যৰ কথা প্রকাশ কৰে ছাত্ৰজনে ।
উল্লেখ্য যে, এসপ্তাহ আগত ডিব্ৰুগড় বিশ্ববিদ্যালয়ৰ পদ্মনাথ গোহাঞি বৰুৱা ছাত্ৰ নিবাসত তিনি মহলাৰ ওপৰৰ পৰা জাঁপ দিছিল আনন্দ শৰ্মা নামৰ এজন ছাত্ৰই ৷ ৰেগিঙৰ বলি হোৱা ছাত্ৰজনক অতি সংকটজনক অৱস্থাত ভৰ্তি কৰোৱা হয় ডিব্ৰুগড়ৰ আদিত্য নাৰ্চিং হোমত ৷ ছাত্ৰজনৰ অৱস্থা ইমানেই সংকটজনক যে, উন্নত চিকিৎসা বা অস্ত্ৰোপচাৰৰ বাবে বহিঃৰাজ্যলৈ নিয়াতোও অসম্ভৱ ৷
আনহাতে, ডিব্ৰুগড় বিশ্ববিদ্যালয়ৰ ভয়ংকৰ ৰেগিং কাণ্ডৰ লগত তৃতীয় শক্তি জড়িত হৈ আছে বুলি মন্তব্য একাংশ ছাত্ৰৰ (Dibrugarh university Ragging incident) । বিশ্ববিদ্যালয়ৰ পদ্মনাথ গোহাঞি বৰুৱা ছাত্ৰাবাসৰ আবাসীসকলে বৃহস্পতিবাৰে পোনপ্ৰথমবাৰৰ বাবে সংবাদ মাধ্যমৰ আগত প্ৰকাশ কৰিলে এই কথা ।
তৃতীয় শক্তিয়ে পৰিচালনা কৰিছে বিশ্ববিদ্যালয়ৰ পদ্মনাথ গোহাঞি বৰুৱা ছাত্ৰাবাসত সংঘটিত হোৱা ভয়ংকৰ ৰেগিংকাণ্ড (Dibrugarh University ragging controversy) । পদ্মনাথ গোহাঞি বৰুৱা ছাত্ৰাবাসৰ গৰিমা ম্লান কৰিবৰ বাবেহে এই শক্তিয়ে কাম কৰি আছে বুলি সংবাদ মাধ্যমৰ আগত বিস্ফোৰক অভিযোগ উত্থাপন কৰিছে ।
আঢ়ৈ মাহ হৈছেহে PNGB ছাত্ৰ নিৱাসত নৱাগত আবাসীসকল থকা, তেনেক্ষেত্ৰত ৪ মাহৰ পৰা কেনেদৰে ৰেগিংকাণ্ডৰ বলি হৈছে আনন্দ শৰ্মা (Padmanath Gohain Baruah Hostel of Dibrugarh University) । বিশ্ববিদ্যালয় প্ৰশাসনৰ ৰায় পক্ষপাতমূলক হোৱাৰ অভিযোগ । ঘটনা সংঘটিত হোৱাৰ নিশা ১ বজালৈকে আনন্দ শৰ্মাই অন্য আৱাসীসকলৰ সৈতে ফুটবল খেল উপভোগ কৰি আছিল । কিন্তু কেনেদৰে সেইদিনা ৰেগিঙৰ বলি হ'ল সেয়া আশ্চৰ্যজনক বুলি প্ৰকাশ কৰিছে PNGB ছাত্ৰ নিৱাসৰ আৱাসীসকলে ।
লগতে পঢ়ক: DU ragging controversy: ডিব্ৰুগড় বিশ্ববিদ্যালয় ৰেগিং কাণ্ডৰ অভিযুক্তক গৰিহণা বিশ্বজিৎ দৈমাৰীৰ
