লখিমপুৰ, 30 নৱেম্বৰঃ লখিমপুৰ ন-পামত যুৱকৰ আত্মহত্যা ৷ লিলাবাৰীৰ নৱোজ্বল উচ্চ মাধ্যমিক বিদ্যালয়ৰ বাৰাণ্ডাত আত্মহত্যা কৰে ন-পাম গাঁৱৰ সেনা জোৱান বিৰেণ লিগিৰাৰ দ্বিতীয় পুত্ৰ সীমান্ত লিগিৰাই ৷ পৰিয়ালৰ লোকে প্ৰকাশ কৰা মতে যুৱকজন ড্ৰাগছ আসক্ত আছিল ৷
লখিমপুৰত ড্ৰাগছ আসক্ত যুৱকৰ আত্মহত্যা
উল্লেখ্য যে কিছুদিন পূৰ্বে যুৱকজনৰ পিতৃ-মাতৃয়ে ড্ৰাগছ আসক্ত হোৱাৰ বাবে লীলাবাৰী আৰক্ষী চকীত এখন এজাহাৰ দাখিল কৰিছিল ৷ এজাহাৰৰ ভিত্তিতে আৰক্ষীয়ে যুৱকজনক যোৱা বৃহস্পতিবাৰে আটক কৰি থানালৈ লৈ গৈছিল। কিন্তু যুৱকজনে জামিনৰ আগতেই আৰক্ষী চকীৰ পৰা পলায়ন কৰিছিল ৷ আনহাতে যোৱা শনিবাৰে যুৱকজনে আত্মহত্যা কৰাক লৈ অঞ্চলজুৰি চাঞ্চল্যৰ সৃষ্টি হৈছে ৷
