কোকৰাঝাৰ,২০ এপ্ৰিলঃ কোকৰাঝাৰ সদৰ থানাৰ অন্তৰ্গত বালাগাঁও বাঙালীপাৰাত সোমবাৰে পুৱা এগৰাকী মহিলাই পুজাগৃহত আত্মহত্যা কৰা ঘটনাই চাঞ্চল্য সৃষ্টি কৰিছে সমগ্ৰ অঞ্চলজুৰি । ডিঙিত চীপ লৈ আত্মহত্যা কৰা মহিলাগৰাকী সন্তোষ সোণাৰৰ পত্নী অঞ্জনা সোণাৰ ।
মহিলা গৰাকীৰ স্বামী সন্তোষ সোণাৰৰ ভাষ্য অনুসৰি,সোমবাৰে পুৱা অঞ্জনা সোণাৰে টোপনিৰ পৰা উঠি অলপ সময় ইফাল-সিফাল কৰাৰ পিছতে সন্ধানহীন হয় ঘৰৰ পৰা। ঘৰলৈ বহু সময় ধৰি উভতি নহাত নদীত কাপোৰ ধুবলৈ যোৱা বুলি সন্দেহ কৰি নদীৰ ঘাটলৈ বিচাৰি যায় স্বামী সন্তোষ সোণাৰে । কিন্তু তাত বিচাৰি নাপালে পত্নী অঞ্জনা সোণাৰক। তাৰ কিছু সময় পাচতে নিজ বাসগৃহৰ পূজাগৃহত অঞ্জনা সোণাৰৰ মৃতদেহ চীপজৰী লগোৱা অৱস্থাত উদ্ধাৰ হয় ।
ঘটনা সন্দৰ্ভত আৰক্ষীক খবৰ দিয়াৰ পাচতে আৰক্ষীয়ে দণ্ডাধীশসহ ঘটনাস্থলীত উপস্থিতিত হৈ মৃতদেহ উদ্ধাৰ কৰি মৰণোত্তৰ পৰীক্ষাৰ বাবে প্ৰেৰণ কৰে । আনহাতে,স্বামী সন্তোষ সোণাৰে সদৰী কৰা অনুসৰি,বিগত ১৫ দিনৰ পৰা বেমাৰত ভুগিছিল অঞ্জনা সোণাৰ । লক ডাউনৰ বাবেই চিকিৎসকৰ ওচৰলৈ লৈ যোৱাৰ ক্ষেত্ৰত অসুবিধাৰ সন্মুখীন হৈছিল স্বামী সন্তোষ সোণাৰ।
লগতে চাওকঃ 28 দিনৰ অন্তত মঙলবাৰৰ পৰা পৰা জনতা ভৱনত পুনৰ আৰম্ভ হ'ব কাম কাজ
