কোকৰাঝাৰত সংঘটিত ভয়ংকৰ পথ দুৰ্ঘটনা

থিতাতে নিহত হয় দুজন লোক

কোকৰাঝাৰ , 14 মাৰ্চ : কোকৰাঝাৰ জিলাৰ চেৰফাংগুৰি ৩১নং ৰাষ্ট্ৰীয় ঘাইপথত বুধবাৰে সংঘটিত হয় ভয়ংকৰ পথ দুৰ্ঘটনা । এখন বাইকে ফ্লাই অভাৰৰ দিভাইডাৰত খুন্দা মৰাৰ ফলত থিতাতে মৃত্যু হয় দুজন লোকৰ ।

তথ্য অনুসৰি এখন বাইকত৩ জন যুৱকে কোকৰাঝাৰ গুৰুফেলাত বিয়া খাবলৈ গৈছিল । তেনে সময়তে এ এছ-১৯এম-১২৯৩ নম্বৰৰ বাইক খনে চেৰফাংগুৰি ফ্লাই অভাৰৰ দিভাইডাৰত খুন্দা মৰাৰ ফলত থিতাতে দুজন লোক নিহত হোৱাৰ লগতে ১ জন লোক গুৰুতৰ ভাৱে আহত হয় । নিহত লোক কেইজন ক্ৰমে পাৰমেশ্বৰ ৰায় আৰু বিশ্বজিত বৰ্মন । আনহাতে গুৰুতৰ ভাৱে আহত দীপক বৰ্মনক সংকটজনক অৱস্থাত কোকৰাঝাৰ আৰ এন বি অসামৰিক চিকিৎসালয়ত ভৰ্তি কৰোৱা হয়।