গোসাইগাঁও মহকুমা অন্তৰ্গত শ্ৰীৰামপুৰ বজাৰত বৃহস্পতিবাৰে নিশা এটা চুৰিকাণ্ড সংঘটিত হয়। বজাৰখনৰ তিনি খন দোকানৰ পৰা চোৰে লুট কৰি নিয়ে বহু সামগ্ৰীৰ লগতে নগদ ধন ।
চুৰিকাণ্ড
প্ৰাপ্ত তথ্য অনুসৰি শ্ৰীৰামপুৰ বজাৰত যোৱা নিশা চোৰে চিলিং ভাঙি তিনিখনকৈ দোকানতপ্ৰৱেশ কৰি কাপোৰ আৰু কেচ বাকচত থকা নগদ ধন লুট কৰি নিয়ে । চুৰি হোৱা দোকানসমূহ ক্ৰমে ভাওৱাল বস্ত্ৰালয়, ৰায় বস্ত্ৰালয় আৰু সাৰদা বুক ষ্টল । ইপিনে বজাৰত প্ৰতিনিশা পহৰাৰ ব্যৱস্থা আছিল যদিও বিগত এসপ্তাহ ধৰি পহৰা বন্ধ হৈ থকাত চোৰে এই সুযোগ গ্ৰহণ কৰে বুলি স্থানীয় ৰাইজে অভিযোগ উত্থাপন কৰে।
