কোকৰাঝাৰ,24 নৱেম্বৰ: ৰাজ্যত একেৰাহে তিনিবাৰকৈ মুখ্যমন্ত্ৰীৰ গাদীত অধিষ্ঠিত তৰুণ গগৈৰ মৃত্যুত শোকপ্ৰকাশ কৰিছে প্ৰতিগৰাকী ৰাজনীতিবিদে ৷ ৰাজনীতিৰ উৰ্ধত তৰুণ গগৈ আছিল এগৰাকী স্থিতপ্ৰজ্ঞ আৰু জনপ্ৰিয় ব্যক্তি ৷ গগৈৰ মৃত্যুত শোকপ্ৰকাশ কৰে ইউপিপিএলৰ সভাপতি প্ৰমোদ বড়ো আৰু ৰাজ্যসভাৰ প্ৰাক্তন সাংসদ ইউ জি ব্ৰহ্ময়ে ৷ পৰিয়াললৈ গভীৰ সমবেদনা জনাই প্ৰমোদ বড়োৱে প্ৰাক্তন মুখ্যমন্ত্ৰী তৰুণ গগৈৰ অৰিহণা ৰাজ্যবাসীয়ে পাহৰিব নোৱাৰে বুলি ব্যক্ত কৰে ৷
আনহাতে, ৰাজ্যসভাৰ প্ৰাক্তন সাংসদ উৰ্খাও গৌৰা ব্ৰহ্মৱেয়ো তৰুণ গগৈৰ মৃত্যুত গভীৰ শোক প্ৰকাশ কৰে ৷ ৰাজ্যত শান্তিৰ হকে কাম কৰা নেতা হিচাপে পৰিচিত গগৈ অতি সাহসী ৰাজনীতিবিদ আছিল বুলি ব্ৰহ্ময়ে মন্তব্য কৰে ৷ তৰুণ গগৈয়ে মুখ্যমন্ত্ৰী হিচাপে কাৰ্যনিৰ্বাহ কৰা দিনতে 2003 চনত বিএলটি আৰু চৰকাৰৰ সৈতে শান্তি চুক্তিৰে বিটিচি গঠন কৰা হৈছিল ৷
লগতে চাওকঃ তৰুণ গগৈৰ মৃত্যুত শোক প্ৰকাশ মন্ত্ৰী ৰঞ্জিত দত্ত,বিবেক দাসৰ
