কোকৰাঝাৰ, ১২ মাৰ্চ : কোকৰাঝাৰ জিলাৰ বেদলাংমাৰী বজাৰত শুকুৰবাৰে নিশা সংঘটিত হয় এক ভয়ংকৰ অগ্নিকাণ্ড (Massive Fire broke out at Kokrajhar) ৷ অকস্মাতে সংঘটিত হোৱা অগ্নিকাণ্ডৰ ফলত বজাৰখনত থকা ৯ খনকৈ দোকান সম্পূৰ্ণৰূপে ভষ্মীভূত হয় ৷
বৰ্তমানলৈ অগ্নিকাণ্ডৰ সঠিক কাৰণ জানিব পৰা হোৱা নাই যদিও শ্ব’ৰ্ট চাৰ্কিটৰ ফলতে এই অগ্নিকাণ্ডৰ সূত্ৰপাত (Fire for Short Circuit) ঘটাৰ সন্দেহ প্ৰকাশ কৰিছে স্থানীয় ৰাইজে ৷
অগ্নিকাণ্ডৰ খবৰ লাভ কৰাৰ পাছতেই ঘটনাস্থলীত কোকৰাঝাৰৰ পৰা তিনিখনকৈ অগ্নিনিৰ্বাপক বাহিনীৰ গাড়ী আহি জুই নিৰ্বাপিত কৰিবলৈ সক্ষম হয় ৷ কিন্তু তেতিয়ালৈ অঞ্চলটোৰ ৯ খনকৈ ব্যৱসায়িক প্ৰতিষ্ঠান জ্বলি সম্পূৰ্ণৰূপে ভস্মীভূত হয় ৷
ৰাইজে অভিযোগ কৰা মতে, অগ্নিনিৰ্বাপক বাহিনীৰ গাড়ী কিছু পলমকৈ অহাৰ ফলতে জুইৰ লেলিহান শিখাই সমগ্ৰ বজাৰখনকে আগুৰি ধৰে ৷ অগ্নিকাণ্ডটোৰ ফলত প্ৰায় ১০ লাখ টকাৰ সা-সম্পত্তিৰ ক্ষয়-ক্ষতি হোৱা বুলি জানিব পৰা গৈছে ৷
লগতে পঢ়ক : চাৰিদিনৰ পাছতো নিৰ্বাপিত হোৱা নাই চিংলু পাহাৰৰ জুই
