গোসাইগাঁৱৰ গুৰুফেলাত পথ দুৰ্ঘটনাত নিহত 1, আহত 2

জমশেৰ আলীয়ে নিজৰ এ এছ ১৬ ডি/৪১১০ নম্বৰৰ মটৰ চাইকেলেৰ কচুগাঁও ফালৰ পৰা গোসাইগাঁও অভিমুখে গৈ থকা অৱস্থাত গুৰুফেলাৰ হাতীগৰ ৩১ নম্বৰ ৰাষ্ট্ৰীয় ঘাইপথত একে দিশতে গৈ থকা ডব্লিউ বি ২৩ চি/৭৬৩৫ নম্বৰৰ বাৰ চকীয়া ট্ৰাকে মহতিয়াই নিয়ে ৷

কোকৰাঝাৰ, 8 অক্টোবৰ : কোকৰাঝাৰৰ গোসাইগাঁও মহকুমাৰ কচুগাঁও থানাৰ অন্তৰ্গত গুৰুফেলাত বৃহস্পতিবাৰে বিয়লি পথ দুৰ্ঘটনাত এজন লোক নিহত হোৱাৰ লগতে দুজন লোক গুৰুত্বৰ ভাৱে আহত হয় ৷ আহত লোককেইজনক তথাতয়াকৈ চিকিৎসালয়লৈ প্ৰেৰণ কৰা হয় ৷ নিহত লোক গৰাকী গোসাইগাঁও মহকুমাৰ অসম-বংগ সীমান্তৰ শিমুলটাপু গাঁৱৰ জমশেৰ আলী বুলি জানিব পৰা গৈছে ৷ আহত দুজন কোকৰাঝাৰ জিলাৰ ছেৰফাংগুৰি থানাৰ অন্তৰ্গত শিয়ালমাৰী নিৱাসী ৰাস্কা টুডু আৰু লক্ষ্মী চৰেন বুলি চিনাক্ত কৰা হৈছে ৷ জানিব পৰা মতে, জমশেৰ আলীয়ে নিজৰ এ এছ ১৬ ডি/৪১১০ নম্বৰৰ মটৰ চাইকেলেৰ কচুগাঁও ফালৰ পৰা গোসাইগাঁও অভিমুখে গৈ থাকোতে গুৰুফেলাৰ হাতীগৰ ৩১ নম্বৰ ৰাষ্ট্ৰীয় ঘাইপথত একে দিশতে গৈ থকা ডব্লিউ বি ২৩ চি/৭৬৩৫ নম্বৰৰ বাৰ চকীয়া ট্ৰাকে মহতিয়াই নিয়ে ৷ ফলত মটৰ চাইকেল আৰোহী জমশেৰ আলী থিতাতে নিহত হোৱাৰ লগতে চাইকেলত থকা ৰাস্কা টুডু আৰু লক্ষ্মী চৰেন আহত হয় ৷
উল্লেখ্য যে, ৰাষ্ট্ৰীয় ঘাইপথত থকা প্ৰকাণ্ড গাঁতৰ বাবে দুৰ্ঘটনাটো সংঘটিত হয় বুলি ৰাইজে অভিযোগ কৰিছে ৷
লগতে পঢ়ক: মাজুলীয়ে কান্দিছে ! চপৰা চপৰে মাজুলী খহিছে