ডিভাইড অসম 50-50ৰে উত্তাল কোকৰাঝাৰ

কোকৰাঝাৰত পুনৰ বড়োলেণ্ডৰ দাবীৰে নিখিল বড়ো ছাত্ৰ সন্থাৰ নেতৃত্বত বিশাল জনা সমাৱেশ ৷ ডিভাইড আছাম 50-50 ৰে কোকৰাঝাৰ উত্তাল এবছুৰ ৷

কোকৰাঝাৰ,25 নৱেম্বৰ: পুনৰ বড়োলেণ্ডৰ দাবী প্ৰসংগ, কোকৰাঝাৰত নিখিল বড়ো ছাত্ৰসন্থা চমুকৈ এবছুৰ নেতৃত্বত বিশাল জন সমাবেশৰে বিশাল প্ৰতিবাদ । কোকৰাঝাৰ চহৰত বৃহস্পতিবাৰে পৃথক বড়োলেণ্ড ৰাজ্য, প্ৰস্তাৱিত বড়োলেণ্ডৰ বাহিৰত বসবাস কৰা বড়ো সকলক ৰাজনৈতিক আৰু অৰ্থনীতিক অধিকাৰ নিশ্চিত কৰা আৰু কাৰ্বি আলং আৰু ডিমাহাছাওত বসবাস কৰা বড়ো সকলক জনজাতিৰ মৰ্যদা প্ৰদান কৰা আদিৰ দাবীত এবছুৰ নেতৃত্বত এই প্ৰতিবাদী কাৰ্যসূচী গ্ৰহণ কৰা হয় ৷ প্ৰতিবাদী কাৰ্যসূচীত এবছুৰ উপৰিও বড়োলেণ্ডৰ আন আন সংগ্ৰামী দল ক্ৰমে পিপলছ জয়ণ্ট এক্সন কমিটি ফৰ বড়োলেণ্ড মুভমেণ্ট, এনডিএফবি (পি), এনডিএফবি (আৰ) আদিয়ে অংশগ্ৰহণ কৰে। প্ৰতিবাদস্থলীত ডিভাইড আছাম 50/50, পৃথক বড়োলেণ্ড ৰাজ্য আমাক দিবই লাগিব,বড়োলেণ্ড ৰাজ্য ন'হলে অসম ক্ষান্ত নহয়, বিজেপি চৰকাৰ হুচিয়াৰ আদি শ্ল'গানেৰে আকাশ বতাহ উত্তাল কৰে প্ৰতিবাদকাৰী সংগঠন কেইটাৰ লগতে হাজাৰ হাজাৰ জনতাই ৷ এবছুৰ সাধাৰণ সম্পাদক লৰেন্স ইছলাৰীয়ে প্ৰতিবাদী কাৰ্যসূচীত অংশগ্ৰহণ কৰি বিজেপি চৰকাৰক সমালোচনা কৰি কয় যে, কেন্দ্ৰত শাসনাধিষ্ঠ বিজেপি চৰকাৰে দুটা শাসনকাল পূৰ্ণ হ'বলৈ গৈ আছে কিন্তু নিৰ্বাচনৰ প্ৰাকঃ মূহুৰ্তত দিয়া বিজেপি চৰকাৰৰ কোনো প্ৰতিশ্ৰুতি আজিলৈ পূৰণ নহ'ল ৷

লগতে পঢ়ক:তিনিচুকীয়াৰ মুনিনৰ 'প্ৰজ্ঞা'