কোকৰাঝাৰ, 15 আগষ্টঃ সমগ্ৰ দেশৰ বিভিন্ন প্ৰান্তৰ লগতে কোকৰাঝাৰ জিলাৰ গোসাঁইগাঁৱতো চৰকাৰী ভাৱে স্বাধীনতা দিৱস পালন কৰা হয় ৭৩ সংখ্যক স্বাধীনতা দিৱস ৷ কটকটীয়া নিৰাপত্তা বেষ্টনীৰ মাজত গোসাঁইগাঁও মহকুমা প্ৰশাসনৰ উদ্যোগত চৰকাৰীভাৱে আয়োজিত স্বাধীনতা দিৱসৰ অনুষ্ঠানত ৰাষ্ট্ৰীয় পতাকা উত্তোলন কৰে কোকৰাঝাৰ জিলাৰ অতিৰিক্ত উপায়ুক্ত তথা গোসাঁইগাঁৱৰ মহকুমাধিপতি গয়া প্ৰসাদ আগৰৱালাই । অনুষ্ঠানত শ্বহীদ সকলক শ্ৰদ্ধাঞ্জলি জনোৱা হয় ৷ অসম আৰক্ষী, এন চি চি দল, গোসাঁইগাঁৱৰ বিভিন্ন শিক্ষানুষ্ঠানৰ শিক্ষাৰ্থী সকলৰ দ্বাৰা পেৰেড প্ৰদৰ্শন কৰাৰ লগতে উক্ত কাৰ্যসূচীৰ অন্তত দেশ প্ৰেম মূলক নৃত্য প্ৰদৰ্শন কৰা হয় ৷
কোকৰাঝাৰত স্বাধীনতা দিৱস উদযাপন
