চাঞ্চল্যকৰ : একেটা পৰিয়ালৰে পাঁচজনৰ আত্মহত্যা

কোকৰাঝাৰৰ তুলসীবিল বজাৰৰ নিৰ্মল পাল নামৰ লোকজনৰ পৰিয়ালৰ পাঁচজনকৈ লোকৰ আত্মহত্যা ৷ আত্মহত্যাৰ কাৰণ বৰ্তমানলৈকে জানিব পৰা নাই ৷ আৰক্ষীয়ে ঘটনা সন্দৰ্ভত আৰম্ভ কৰিছে তদন্ত ৷

গোসাইগাঁও, ২ নৱেম্বৰ : কোকৰাঝাৰ জিলাৰ গোসাঁইগাঁও মহকুমাৰ তুলসীবিল বজাৰত চাঞ্চল্যকৰ ঘটনা ৷ একেটা পৰিয়ালৰ পাঁচ গৰাকীকৈ লোকে সোমবাৰে নিশা নিজ ঘৰতে চিপ লৈ আত্মহত্যা কৰে ৷ তুলসীবিল বজাৰত ভাড়া কৰি সৰু-সুৰা ব্যৱসায় কৰি পৰিয়াল পোহপাল দিয়া নিৰ্মল পাল নামৰ ব্যক্তিজনৰ গৃহত সংঘটিত হয় এই ঘটনা ৷ মৃত সকল হৈছে নিৰ্মল পাল, পত্নী মল্লিকা পাল আৰু তিনি গৰাকী সন্তান ক্ৰমে প্ৰিয়া পাল, নেহা পাল আৰু দীপা পাল ৷ ঘটনাৰ প্ৰকৃত কাৰণ জানিব পৰা হোৱা নাই যদিও আৰক্ষীয়ে আৰম্ভ কৰিছে তদন্ত ৷

অন্য এক খবৰৰ বাবে: হোজাইত বনৰীয়া হাতীয়ে ভাঙিলে 10টা ঘৰ