উত্তৰ অভয়াপুৰী, ১১ ছেপ্তেম্বৰ: বৃহস্পতিবাৰে বঙাইগাঁও জিলাৰ মানিকপুৰ আৰক্ষী থানাৰ অন্তৰ্গত পূৱ গোসাঁইগাঁৱৰ ৩১ নং ৰাষ্ট্ৰীয় ঘাইপথত সংঘটিত হয় এক শোকাবহ পথ দুৰ্ঘটনা । তীব্ৰ বেগী ট্ৰাকৰ খুণ্ডাত থিতাতে নিহত হ’ল চাইকেল আৰোহী ভক্তপ্ৰসাদ দাস (৩৮) নামৰ এজন পথচাৰী । পেছাত এজন ঠেলা চালক ভক্তপ্ৰসাদ দাসে ডাঙাইগাঁৱৰ বজাৰৰ পৰা নিজ গৃহলৈ ওভতাৰ পথত তীব্ৰ বেগী ট্ৰাকৰ খুণ্ডাত গুৰুতৰ ভাবে আঘাটপ্ৰাপ্ত হৈ ঘটনাস্থলীতে নিহত হ’ল চাইকেল আৰোহী পথচাৰীজন ৷
দূৰ্ঘটনা সংঘটিত হোৱাৰ দিনাটোতে দূৰ্ঘটনা নিয়ন্ত্ৰণত ব্যৰ্থ আৰক্ষী তথা প্ৰশাসনৰ বিৰুদ্ধে অতিস্থ হৈ নিশা বিজনী জিলা আমছুৰ সহযোগত স্থানীয় ৰাইজে ঘাইপথটো অৱৰোধ কৰি সাব্যস্ত কৰে প্ৰতিবাদ । ফলত ৩১ নং ৰাষ্ট্ৰীয় ঘাইপথটোত সৃষ্টি হয় তীব্ৰ যান জঁটৰ ৷ প্ৰায় এঘণ্টাৰ অন্তত প্ৰশাসনৰ হস্তক্ষেপত পথটো মুকলি কৰি দিয়াৰ লগতে মৃতদেহৰ মৰণোত্তৰ পৰীক্ষাৰ বাবে প্ৰেৰণ কৰা হয় চিকিৎসালয়লৈ ।
লগতে পঢ়কঃ ন্যায় পাবনে বৰপেটাৰ টিংকুমনি দাসৰ পৰিয়ালে ?
