কোকৰাঝাৰ, 29 এপ্ৰিল: কোকৰাঝাৰৰ তৃতীয় পৰ্যায়ৰ ভোটগ্ৰহণৰ সময়ত দিনা বি পি এফৰ কৰ্মীৰ আক্ৰমণত তিনিজন এবছুৰ কৰ্মী গুৰুতৰভাৱে আহত হোৱাৰ তিনিখন বাহন ধ্বংস হয় । সোমবাৰে কোকৰাঝাৰৰ বড়োলেণ্ড ছাত্ৰ সন্থাৰ সভাপতি ছগমছাৰ বসুমতাৰীয়ে সন্থাৰ কেন্দ্ৰীয় কাৰ্যালয়ত এখন সংবাদ মেলাৰ আয়োজন কৰি উক্ত ঘটনাক কঠোৰ ভাষাৰে গৰিহণা দিয়ে ৷ তেওঁ ঘটনাৰ সন্দৰ্ভত কোনো ধৰণৰ তথ্য নথকাকৈ ব্যক্তিগত শত্ৰুতাৰ কাৰণে নিখিল বড়ো ছাত্ৰ সন্থাৰ সম্পাদক খৰোমদাও আৰীয়ে সংগঠনটোৰ ওপৰত গোচৰ ৰুজু কৰাৰ অভিযোগ কৰে৷ বসুমতাৰীয়ে প্ৰকৃততে এবছু কৰ্মীয়ে প্ৰথমে গাড়ী ৰখাই বি পি এফ কৰ্মী বিলিফান নাৰ্জাৰীৰ ওপৰত আক্ৰমণ কৰাৰ কাৰণে ৰাইজে বি পি এফ কৰ্মী আক্ৰমণ কৰাৰ কথা উল্লেখ কৰে ।
বড়োলেণ্ড ছাত্ৰ সন্থাৰ সভাপতি ছগমছাৰ বসুমতাৰীয়ে শীঘ্ৰে এবছুৰ সম্পাদক খৰোমদাও আৰীৰ ওপৰত মানহানি গোচৰ ৰুজু কৰাৰ কথা উল্লেখ কৰে ৷ তেওঁ প্ৰশাসনকো ঘটনাৰ সন্দৰ্ভত উচিত তদন্ত কৰাৰ দাবী জনায় ৷