কোকৰাঝাৰত বিপিএফ নেতাৰ বাসগৃহত দুৰ্বৃত্তৰ আক্ৰমণ !

কোকৰাঝাৰত নিশা বিপিএফৰ নেতাৰ বাসগৃহত দুৰ্বৃত্তই আক্ৰমণ কৰে ৷ ইতিমধ্যে এই ঘটনাটোত দুটা সংগঠন জড়িত হৈ থকা বুলি অভিযোগ কৰে বিপিএফৰ নেতাজনে ৷

কোকৰাঝাৰ,19 অক্টোবৰঃ কোকৰাঝাৰত বিপিএফৰ 'CWC'ৰ সদস্য ভৰত শৰ্মাৰ বাসগৃহত কোনো দুৰ্বৃত্তই আক্ৰমণ কৰে ৷ নিশা শিল গুটি দলিয়াই দুৰ্বৃত্তই আক্ৰমণ কৰে যদিও হতাহত হোৱা নাই নেতাজনৰ লগতে পৰিয়ালটো ৷

কোকৰাঝাৰত বিপিএফ নেতাৰ বাসগৃহত দুৰ্বৃত্তৰ আক্ৰমণ !

উল্লেখ্য যে,নিশা কোকৰাঝাৰ চহৰৰ শান্তি নগৰস্থিত বিপিএফৰ নেতা ভৰত শৰ্মাৰ বাসগৃহত দুৰ্বৃত্তই আক্ৰমণ কৰে ৷ দুৰ্বৃত্তৰ আক্ৰমনত ইতিমধ্যে বাসগৃহটোৰ খিড়িকি সমূহৰ ক্ষতি সাধন হৈছে বুলি সদৰি কৰে নেতাজনে ৷

ইফালে এই ঘটনাটোত অখিল হিন্দী ভাষী পৰিষদৰ নেতা সঞ্জয় তিৱাৰী আৰু অন্য এটা সংগঠন জড়িত থকা বুলি অভিযোগ কৰে ভৰত শৰ্মাই ৷ লগতে এই ঘটনাটো কোনো ৰাজনৈতিক লাভালাভৰ বাবেই সংঘটিত কৰা বুলি সাংবাদিকৰ আগত মন্তব্য কৰে বিপিএফৰ নেতাজনে ৷ ইফালে ভৰত শৰ্মা অখিল হিন্দীভাষী বিকাশ পৰিষদৰ মুখ্যপৃষ্ঠপোষক হিচাপেও কাম কৰিছিল বুলি জানিবলৈ পোৱা গৈছে ৷ ইতিমধ্যে উক্ত ঘটনাটোৰ বিৰুদ্ধে কোকৰাঝাৰ সদৰ আৰক্ষী চকীত এজাহাৰ দাখিল কৰিছে ভৰত শৰ্মাই ৷

লগতে পঢ়ক-অসম-মিজোৰাম সীমান্তত উত্তেজনা; প্ৰশাসনৰ সান্ধ্যআইন জাৰী