বানত বুৰিল বিধায়কৰ বাসগৃহ

সমান্তৰালকৈ বিটিএডিৰ মুখ্য চহৰ কোকৰাঝাৰো প্লাৱিত হৈছে কৃত্ৰিম বানত ৷ চহৰ খনৰ প্ৰায় ভাগ অঞ্চলেই এতিয়া পানীৰ তলত ৷

কোকৰাঝাৰ, 27 জুন: বিগত কেইবাদিনো ধৰি হৈ থকা নেৰনেপেৰা বৰষুণৰ ফলত ৰাজ্যৰ বিভিন্ন অঞ্চলত বানপানীয়ে ধাৰণ কৰিছে সংহাৰী ৰূপ ৷ সমান্তৰালকৈ বিটিএডিৰ মুখ্য চহৰ কোকৰাঝাৰো প্লাৱিত হৈছে কৃত্ৰিম বানত ৷ চহৰ খনৰ প্ৰায় ভাগ অঞ্চলেই এতিয়া পানীৰ তলত ৷ আনকি বিপিএফৰ বিধায়ক ৰাবিৰাম নাৰ্জাৰীৰ ঘৰতো দেখা গৈছে কৃত্ৰিম বান ৷ বিগত দুদিন ধৰি কৃত্ৰিম বানৰ কৱলত ডুবি আছে কোকৰাঝাৰৰ ৰূফাঠি নগৰত থকা পশ্চিম কোকৰাঝাৰ সমষ্টিৰ বিধায়ক ৰবিৰাম নাৰ্জাৰীৰ বাসগৃহ ৷

বিশেষকৈ কোকৰাঝাৰ চহৰৰ মাজমজিয়াত অপৰিকল্পিত ভাৱে নিৰ্মাণ হোৱা নলা নদৰ্মা আৰু চহৰৰ পদপথৰ ওপৰত অসাধু ব্যৱসায়ীয়ে নিৰ্মাণ কৰা দোকান পোহাৰৰ বাবেই কৃত্ৰিম বানপানীৰ কৱলত হাবুডাবু খাৱ লগা হৈছে সৰ্ৱসাধাৰন জনতাই ৷

লগতে পঢ়কঃ বান প্ৰলয়ঃ বিগত এমাহে জলবন্দী দধীয়া-লাইকাবাসী