কৰিমগঞ্জ, 8 আগষ্ট: এইবাৰ জনস্বাস্থ্য কাৰিকৰী বিভাগৰ বিৰুদ্ধে সৰৱ হ‘ল উত্তৰ কৰিমগঞ্জৰ বিধায়ক কমলাক্ষ দে পুৰকায়স্থ ৷ বিশুদ্ধ খোৱাপানী যোগানৰ নামত নামত কৰিমগঞ্জ চহৰত অত্যন্ত লেতেৰা পানী জন স্বাস্থ্য কাৰিকৰী বিভাগে যোগান ধৰি থকাৰ অভিযোগ উত্থাপন কৰিছে বিধায়কগৰাকীয়ে ৷
যাৰ ফলতেই ক্ষোভিত বিধায়কগৰাকীয়ে কৰিগঞ্জৰ জিলা জনস্বাস্থ্য কাৰিকৰী বিভাগৰ কাৰ্যালয়ত উপস্থিত হৈ বিগত দুই তিনি মাহৰ পৰাই অতিমাত্ৰা লেতেৰা পানী যোগান ধৰি থকাৰ বিষয়ে অভিযোগ কৰে ৷
উল্লেখ্য যে, বিগত সময়চোৱাত এই সমস্যা সন্দৰ্ভত অঞ্চলটোৰ ৰাইজে বিভাগটোক বাৰাম্বাৰ অৱগত কৰি অহাৰ পাছতো জনস্বাস্থ্য কাৰিকৰী বিভাগৰ ফালৰ পৰা কোনো ধৰণৰ ব্যৱস্থা গ্ৰহণ নকৰাৰো অভিযোগ পোহৰলৈ আহিছে ৷
অৱশেষত শনিবাৰে বিধায়কগৰাকীয়ে নিজে জনস্বাস্থ্য কাৰিকৰী বিভাগৰ কাৰ্যালয়ত উপস্থিত হৈ বিভাগীয় কৰ্তৃপক্ষৰ লগত আলোচনাৰ পাছত এই সমস্যা অতি সোনকালে সমাধান কৰা হ‘ব বুলি আশ্বাস প্ৰদান কৰে ৷
লগতে পঢ়ক: বিহাৰত বানৰ ভয়াৱহ ৰূপঃ এইপৰ্যন্ত মৃত্যু 23 জনৰ
