শিলচৰ,18 জুন : ৰাজ্যৰ এগৰাকী জ্যেষ্ঠ নৃত্য শিল্পী ৷ 95 বছৰীয়া এইগৰাকী শিল্পী বৰ্তমান শয্যাশায়ী ৷ এইগৰাকী শিল্পীয়ে চৰকাৰৰৰ পৰা আজি পৰ্যন্ত লাভ কৰা নাই শিল্পীৰ মৰ্যদা ৷
এটা সময়ত ভাৰতীয় নৃত্য শিল্পৰে বিশ্ববাসীৰ আগত এক সুকীয়া পৰিচয়েৰে সুনাম অৰ্জন কৰিবলৈ সক্ষম হোৱা এগৰাকী নৃত্য শিল্পী হৈছে লক্ষণ সিনহা ৷বৰ্তমান 95 বছৰ গৰকা তথা তদানীন্তন প্ৰধানমন্ত্ৰী লাল বাহাদুৰ শাস্ত্ৰীৰ নেতৃত্বৰ সময়চোৱাত দেশ তথা বিদেশৰ বিভিন্ন মঞ্চত ভাৰতীয় নৃত্যকলা প্ৰদৰ্শন কৰি অসমৰ নাম উজ্বলাইছিল নৃত্য গুৰু লক্ষণ সিনহাই । 95 বছৰীয়া এইগৰাকী শিল্পী এতিয়া শাৰীৰিক অসুস্থতাৰ বাবে শয্যাশায়ী ৷
পূৰ্বৰ প্ৰয়াত তৰুণ গগৈ অসমৰ মুখ্যমন্ত্ৰী হৈ থকা সময়ৰ পৰাই আৰ্থিক সাহায্যৰ বাবে বহুবাৰ আবেদন নিবেদন কৰি অহাৰ পিছতো নৃত্য গুৰু লক্ষণ সিনহাই আজিলৈকে নাপালে কোনো চৰকাৰী সাহায্য ৷
উল্লেখ্য যে, 1963 চনত বলিউডৰ নায়িকা বৈজয়ন্তীমালাকে ধৰি বলিউডৰ বহুকেইগৰাকী নায়িকাক নৃত্যৰ প্ৰশিক্ষণ প্ৰদান কৰিছিল নৃত্য গুৰু লক্ষণ সিনহাই । আনকি সংগীতৰ কিংবদন্তী কণ্ঠশিল্পী লতা মংগেশকাৰৰ সৈতে বিভিন্ন মঞ্চত নৃত্য প্ৰদৰ্শন কৰিছিল তেওঁ । সেই সময়ত দেশৰ ৰাজধানী দিল্লীত নৃত্য শিল্পৰ জৰিয়তে আলোড়ন সৃষ্টি কৰা এইগৰাকী নৃত্য গুৰুয়ে আজিও বঞ্চিত হৈ থাকিল শিল্পীৰ মৰ্য্যদাৰ পৰা । নিজ ঘৰতেই বৰ্তমানে শয্যাশায়ী লক্ষণ সিনহাৰ খবৰ লবলৈ আহৰি ৰাজ্যৰ সাংস্কৃতিক বিভাগ ।পিতৃৰ অতীতৰ বহু স্মৃতি ৰোমন্থন কৰি তেওঁৰ পুত্ৰই দেখুৱাই গ‘ল শিল্পী গৰাকীৰ শিল্পকৰ্মৰ বহু ছবি । শয্যাগত অৱস্থাত হলেও বয়োজ্যেস্থ শিল্পী গৰাকীক উপযুক্ত সম্মান প্ৰদানৰ আহ্বান জনালে পৰিয়ালৰ সদস্য সকলে ৷
