কৰিমগঞ্জ,9 জানুৱাৰীঃ শনিবাৰে বিয়লি কৰিমগঞ্জৰ লোৱাইৰপোৱাৰ কানমুন আন্তঃৰাজ্যিক পথত সংঘটিত হয় এক ভয়ংকৰ পথ দুৰ্ঘটনা ৷ মোহন দাস মুড়া নামৰ এগৰাকী বাইক আৰোহীয়ে অন্য এটা দিশৰ পৰা আহি থকা বাইক আৰোহী গোপাল কায়স্থ নামৰ ব্যক্তিজনক খুন্দা মৰাৰ ফলত দুৰ্ঘটনাতো সংঘটিত হয় বুলি জানিব পৰা গৈছে ৷
ইপিনে দুৰ্ঘটনাতো সংঘটিত হোৱাৰ পিছতে দুয়োগৰাকী আহত ব্যক্তিক স্থানীয় লোকে চিকিৎসালয়লৈ প্ৰেৰণ কৰে ৷ উল্লেখযোগ্য যে, চিকিৎসালয়লৈ প্ৰেৰণ কৰা অৱস্থাতে গোপাল কায়স্থৰ মৃত্যু হোৱাৰ লগতে মোহন দাস মুড়া নামৰ ব্যক্তিজন অতি সংকটজনক অৱস্থাত চিকিৎসাধীন হৈ আছে ৷
লগতে পঢ়কঃ বন-ৰাজহ বিভাগৰ চকু থলুৱা অসমীয়া ব্যৱসায়ীৰ ম্যাদী পট্টাৰ ভূমিত
