শিলচৰ, 26 ফেব্ৰুৱাৰী: ৰাজ্যত অব্যাহত আছে গাড়ী চালকৰ দৌৰাত্ম্য ৷ বৃহস্পতিবাৰে পুনৰ তীব্ৰবেগী বাহনে প্ৰাণ ল’লে এজন লোকৰ ৷ বৃহস্পতিবাৰে পুৱা প্ৰায় 9 বজাত কাছৰৰ বৰখলা সমষ্টিৰ ডলু ৰাজপথত সংঘটিত হয় এক ভয়ংকৰ পথ দুৰ্ঘটনা ৷ তীব্ৰবেগী বাহনৰ খুন্দাত নিহত হয় চাহ শ্ৰমিক ৷
মৃত লোকজনৰ 45 বছৰীয়া সমলু শুক্লবৈদ্য বুলি চিনাক্ত কৰা হৈছে ৷ দুৰ্ঘটনা সংঘটিত কৰা বাহন খনক আৰক্ষীয়ে ইতিমধ্যে কাৰায়ত্ব কৰিবলৈ সক্ষম হৈছে ৷
প্ৰাপ্ত তথ্য অনুসৰি, কাছৰৰ বৰখলা সমষ্টিৰ ডলু ৰাজপথৰ কাষতে কাকত বাগানৰ কামত থাকা অৱস্থাতে পাছফালৰ পৰা অহা এখন টাটা ডী আই গাড়ীয়ে খুন্দা মাৰে ৷ যাৰ ফলত গুৰুতৰ ভাৱে আহত হয় লোকজন ৷
উল্লেখ্য যে, আহত লোকজনক বড়খলা হাস্পতালত লৈ নিয়া হয় যদিও উন্নত চিকিৎসাৰ বাবে পৰৱৰ্তী সময়ত শিলচৰ মেডিকেল কলেজলৈ প্ৰেৰণ কৰা হয় ৷ কিন্তু শিলচৰ মেডিকেললৈ নিয়াৰ পথতে সমলু শুক্লবৈদ্যৰ মৃত্যু হয় ৷
এই ঘটনাক কেন্দ্ৰ কৰি উত্তপ্ত হৈ পৰে কাছৰৰ বৰখলা সমষ্টিৰ ডলু ৰাজপথ ৷ উত্তেজিত ৰাইজে পথ অৱৰোধ কাৰ্যসূচী ৰূপায়ণ কৰে ৷ অভিযুক্ত গাড়ী চালকৰ বিৰুদ্ধে বিহিত ব্যৱস্থা গ্ৰহণ কৰাৰ লগতে ক্ষতিগ্ৰস্ত পৰিয়ালক উচিত ক্ষতিপূৰণ দিবলৈ দাবী জনায় ৰাইজে ৷
লগতে পঢ়কঃ দিনটোৰ বিশেষ কেইটামান ৰাজনৈতিক খবৰ...
