কৰিমগঞ্জ, 29 মে’: কৰিমগঞ্জৰ নিলামবজাৰ ৰে’ল ষ্টেচনৰ সমীপত শনিবাৰে যাত্ৰীবাহী ৰে’লৰ খুন্দাত নিহত হয় এজন লোক ৷ শিলচৰ-আগৰতলা যাত্ৰীবাহী ৰে’লৰ খুন্দাত মৃত্যু হয় লোকজনৰ ৷
ইপিনে এই ঘটনাৰ খবৰ লাভ কৰিয়েই ঘটনাস্থলীত ৰে’ল আৰক্ষী উপস্থিত হৈ মৃতদেহটো উদ্ধাৰ কৰি মৰণোত্তৰ পৰীক্ষাৰ বাবে কৰিমগঞ্জ অসামৰিক চিকিৎসালয়লৈ প্ৰেৰণ কৰে ৷ এই পৰ্যন্ত মৃতলোকজনৰ পৰিচয় উদ্ধাৰ হোৱা নাই ৷
আনহাতে, লোকজনে আত্মহত্যা কৰিছে নে এয়া এক দুৰ্ঘটনা, সেই কথা বৰ্তমান পৰ্যন্ত জানিব পৰা হোৱা নাই ৷ উক্ত ঘটনাৰ পাছতে অঞ্চলজুৰি তীব্ৰ চাঞ্চল্যই বিৰাজ কৰিছে ৷
