কৰিমগঞ্জ, 21আগষ্টঃ বৃহস্পতিবাৰে বিধায়ক কমলাক্ষ দে’ পুৰকায়স্থৰ সংবাদমেলযোগে স্বাস্থ্যমন্ত্ৰী হিমন্ত বিশ্ব শৰ্মাক ৰাইজৰ ওচৰত ক্ষমা খোজাৰ দাবী ৷ কংগ্ৰেছৰ বিধায়ক পুৰুকায়স্থই মন্তব্য় কৰে যে, ১৫ আগষ্টৰ পূৰ্ৱে কৰ’ণাৰ ভেকচিন ওলাব বুলি হিমন্তই কৈছিল । ক’ভিডৰ গ্ৰাফ ডাল কমিব বুলি কৈছিল, কিন্তু দিনে দিনে বাঢ়িহে আহিছে ৷
ইপিনে কৰ’ণাক লৈ কিছুমানে মুনাফা লাভত উঠি পৰি লাগিছে বুলিও উল্লেখ কৰি পুৰকায়স্থই কয় যে, তাৰ মাজত স্বাস্থ্যমন্ত্ৰী হিমন্ত বিশ্ব শৰ্মাও আছে । বৰাকভেলিত স্বাস্থ্য বিভাগৰ অৱস্থা অতি শোচনীয় হোৱাৰ লগতে ১০৮ সেৱা, ভেন্টিলেটৰ ব্যৱস্থা নাই বুলিও অভিযোগ কৰে বিধায়ক গৰাকীয়ে । বিগত সাত দিনত ২৫ গৰাকী ব্যক্তিৰ মৃত্যু হৈছে আৰু বৰাকত পৰিকল্পিতভাবে মানুহ মৰা হৈছে বুলি মন্তব্য পুৰকায়স্থৰ । লগতে তেওঁ কয় যে, ইয়াৰ বাবে স্বাস্থ্য বিভাগ আৰু স্বাস্থ্যমন্ত্ৰী দায়ী । অসমত ICMR ৰ গাইডলাইন নমনাৰ বাবেই এনে পৰিস্থিতিৰ সৃষ্টি হৈছে ।
ইফালে অসম চুক্তিৰ প্ৰসংগও উত্থাপন কৰি বিধায়কগৰাকীয়ে উল্লেখ কৰে যে, অকল ৬ নং দফাই নহয়, অসম চুক্তি মানিলে অসম চুক্তিৰ প্ৰত্যেকটো দফাই মানিব লাগিব । ৬ নং দফাৰ প্ৰতিবেদনৰ গোটেই ৰিপৰ্টতে খেলিমেলি আছে বুলিও মত প্ৰকাশ কৰে পুৰুকায়স্থই ৷
লগতে পঢ়কঃ দেশ প্ৰতিৰক্ষাত নিয়োজিত এখন গাঁও...
