কৰিমগঞ্জ,6 অক্টোবৰঃ আপুনি মই নভৱা কথাবোৰা এতিয়া ভাৱিবলৈ বাধ্য কৰাইছে বিজ্ঞান তথা ন প্ৰযুক্তিৰ উদ্ভাৱনে ৷ গোলাকাৰ পৃথিৱীত নিতৌ ন ন প্ৰযুক্তিৰ দ্ৰুত বিকাশৰ লগে লগে চুবুৰীয়া ৰাজ্য ত্ৰিপুৰাতো চলিছে প্ৰযুক্তি তথা উদ্ভাৱনী কলাৰ উত্তৰণ ৷ পুৰণি বাঁহ গছত ফুলা বাঁহ ফুলৰ পৰা ত্ৰিপুৰাত প্ৰস্তুত কৰা হৈছে চাউল আৰু বিভিন্ন ৰকমৰ বিস্কুট ৷ আপুনি ঠিকেই শুনিছে বাঁহ ফুলৰ পৰা বিস্কুট আৰু চাউল প্ৰস্তুত কৰি অভিলেখ সৃষ্টি কৰিছে ৰাজ্যখনে ৷
৩০/৪০ বছৰৰ পুৰণি বাঁহৰ গছৰ ফুলেৰে প্ৰচেছিং কৰি বনোৱা হৈ আছে চাউল । আৰু একেদৰে বাঁহৰ গাজৰ পৰা প্ৰচেছিং কৰি বনোৱা হৈছে বিস্কুট। এই সম্পৰ্কত ত্ৰিপুৰাৰ মুখ্যমন্ত্ৰী বিপ্লৱ দেৱে প্ৰকাশ কৰে,বাঁহৰ ফলৰ পৰা প্ৰস্তুত কৰা চাউলৰ উপকাৰিতাৰ কথা ৷
উল্লেখ্য যে,এই বাঁহ ফুলৰ পৰা প্ৰস্তুত কৰা চাউলত আন চাউলতকৈ প্ৰ'টিনৰ মাত্ৰা বহু বেছি। আনকি চুগাৰ নিয়ন্ত্ৰণৰ ক্ষেত্ৰতো ই যথেষ্ট ফলপ্ৰসু কাম কৰে ৷
আনহাতে বাঁহৰ পৰা বিস্কুট তৈয়াৰ কৰাৰ উপৰিও ত্ৰিপুৰাৰ লিচুবাগান এলেকাত এটা প্ৰশিক্ষণ শিবিৰৰো আয়োজন ত্ৰিপুৰাৰ বাণিজ্য দপ্তৰে। বাঁহৰ পৰা তৈয়াৰ কৰা চাউল আৰু বিস্কুট মানৱ দেহৰ কাৰণে উৎকৃষ্ট ৷ বৰ্তমান ৰাজ্যখনৰ নিবনুৱা সকলৰ বাবে ই এক সম্ভাৱনা হিচাপে দেখা দিছে ৷ ব্যাপক মাত্ৰাত যদি ইয়াৰ উৎপাদন হয় তেনেহ'লে চাউলৰ দাম হ্ৰাস পোৱাৰ লগতে নিৱনুৱা সকলৰ বাবে স্বাৱলম্বিতাৰ পথ মুকলি হ'ব ৷
লগতে চাওকঃ সাংবাদিকতাৰ পৰা সংসদীয় ৰাজনীতিলৈ অজিত ভূঞাৰ যাত্ৰা...
