ত্ৰিপুৰাত 800 কিলোগ্ৰাম গাঞ্জা জব্দ

ত্ৰিপুৰাৰ তেলিয়ামুৰা অঞ্চলত গোপন খবৰৰ ভিত্তিত ত্ৰিপুৰা আৰক্ষীয়ে জব্দ কৰে বৃহৎ পৰিমাণৰ গাঞ্জা ভৰ্তি এখন ট্ৰাক ৷ ত্ৰিপুৰা আৰক্ষীয়ে জব্দ কৰা ট্ৰাকখনৰ পৰা 80 পেকেট গাঞ্জাৰ পেকেট জব্দ কৰে ৷

কৰিমগঞ্জ, 13 ডিচেম্বৰ : ত্ৰিপুৰা আৰক্ষীৰ বৃহৎ সফলতা ৷ অসম-ত্ৰিপুৰা সীমান্তৰ পৰা কিছু নিলগত ত্ৰিপুৰাৰ তেলিয়ামুৰা অঞ্চলত দেওবাৰে পুৱা এক গোপন খবৰৰ ভিত্তিত ত্ৰিপুৰা আৰক্ষীয়ে জব্দ কৰে বৃহৎ পৰিমাণৰ গাঞ্জা ভৰ্তি এখন ট্ৰাক ৷ ত্ৰিপুৰা আৰক্ষীয়ে জব্দ কৰা ট্ৰাকখনৰ পৰা 80 পেকেট গাঞ্জাৰ পেকেট জব্দ কৰে ৷

প্ৰায় এক কোটি টকা মূল্যৰ 800 কিলোগ্ৰাম ওজনৰ গাঞ্জাখিনি অসমলৈ সৰবৰাহৰ চেষ্টা কৰিছিল জানিব পৰা গৈছে ৷ গাঞ্জা কঢ়িয়াই অনা TR-01 Q-1913 নম্বৰৰ ট্ৰাকখন আগৰতলাৰ পৰা অসম অভিমুখে আহি আছিল ৷ আৰক্ষীয়ে ইতিমধ্যে ট্ৰাকখনৰ চালকক আটক কৰি সোধ-পোছ অব্যাহত ৰাখিছে ৷

লগতে পঢ়ক: ঘোষণা হ’ল বিটিচিৰ নতুন পৰিষদৰ শপত গ্ৰহণৰ দিন