কৰিমগঞ্জ, 30 ছেপ্টেম্বৰঃ ৰাতাবাড়ি সমষ্টিৰ উপ নিৰ্বাচনৰ বাবে মনোনয়ন পত্ৰ দাখিলৰ সময়ত অঘটন ৷ আৰক্ষী আৰু কংগ্ৰেছ কৰ্মীৰ মাজত সংঘটিত হ’ল খণ্ডযুদ্ধ ৷ ৰিটাৰনিং অফিচাৰ কক্ষত ৫ জনতকৈ অধিক সমৰ্থক সোমোৱাৰ চেষ্টা কৰাকলৈ আৰক্ষী আৰু কংগ্ৰেছ কৰ্মীৰ মাজত খণ্ডযুদ্ধ ৷ পৰৱৰ্তি সময়ত বিধায়ক কমলাক্ষ দে পুৰকায়স্থৰ হস্তক্ষেপত শান্ত হয় পৰিস্থিতি ৷ ৰাতাবাড়ি সমষ্টিৰ উপ নিৰ্বাচনৰ বাবে মনোনয়ন দাখিল কৰে কংগ্ৰেছ প্ৰাৰ্থী কেশৱ প্ৰসাদ ৰজকে |
মনোনয়ন পত্ৰৰ দাখিল কৰাৰ সময়ত কংগ্ৰেছ প্ৰাৰ্থী গৰাকীৰ লগতে উপস্থিত থাকে বিধায়ক কমলাক্ষ দে পুৰকায়স্থ, এপিচিচিৰ সাধাৰণ সম্পাদক, জিলা কংগ্ৰেছৰ বিষয়ববীয়া আৰু বিভিন্ন সমৰ্থক ।
ইপিনে বিজেপিৰ হৈ বিজয় মালাকাৰেও সভাপতি ৰঞ্জীৎ দাস, সাংসদ দীলিপ শইকীয়া, মন্ত্ৰী পৰিমল শুক্লবৈদ্য, সাংসদ কৃপানাথ মাল্লাৰ আদি নেতা-সমৰ্থকক লগত লৈ দাখিল কৰে মনোনয়ন ৷ মনোনয়ন পত্ৰ দাখিলৰ সময়ত কংগ্ৰেছ এইবাৰো শূণ্য হ’ব বুলি উল্লেখ কৰে ৰঞ্জীৎ দাসে ৷
