কৰিমগঞ্জ, 25 জুলাইঃ 2021 বৰ্ষৰ নিৰ্বাচনৰ পূৰ্বে কংগ্ৰেছ আৰু AIUDF ত ব্যাপক খহনীয়া হোৱা পৰিলক্ষিত হৈছে ৷ তথ্য অনুসৰি শেহতীয়াকৈ কৰিমগঞ্জৰ কংগ্ৰেছ আৰু AIUDF ৰ 5 শতাধিক সদস্যই বিজেপিত যোগদান কৰিছে ৷ কৰিমগঞ্জৰ পাথাৰৰকান্দি সমষ্টিৰ বিধায়ক কৃশেন্দু পালৰ নেতৃত্বত বিজেপিত যোগদান কৰে সংখ্যালঘু আৰু চাহ জনগোষ্ঠীৰ লোকসকলে ৷
লগতে পঢ়কঃ COVID-19 যোদ্ধালৈ স্বৰ্ণ পদক উচৰ্গা কৰিলে হিমা দাসে
শুকুৰবাৰে কটামনি বজাৰত অনুষ্ঠিত সভাখনত যোগদানকাৰীৰ ভিতৰত AIUDF ৰ প্ৰাক্তন সভাপতি আব্দুল ছালাম ,কংগ্ৰেছৰ ৱৰ্ড সদস্য ইব্ৰাহিম আলীও উপস্থিত আছিল । প্ৰায় পাঁচ শতাধিক যোগদানকাৰীৰ লগতে পুতনি চাহ বাগিচাৰ বহু কেইজন কংগ্ৰেছ কৰ্মীও বিজেপিত যোগদান কৰে ।
উল্লেখ্য যে, বিজেপিক সাম্প্ৰদায়িক দল হিচাবে বহু লোকে অপ্ৰচাৰ চলাই আছে যদিও বিজেপি একমাত্ৰ দল যি দল সকলো সম্প্ৰদায়ৰ উন্নয়নৰ বাবে কাম কৰি আছে বুলি সভাত বিজেপি সদস্যই মন্তব্য কৰে । ইয়াৰোপৰি, জিলাখনত এই পৰ্যন্ত প্ৰায় এহাজাৰৰো অধিক লোক গেৰুৱা দলটোত যোগদান কৰা বুলি জানিব পৰা গৈছে ৷
