কৰিমগঞ্জ, 18 নৱেম্বৰ: বিষ্ণুপ্ৰিয়া মণিপুৰী সম্প্ৰদায়ক কেন্দ্ৰীয় অনুসূচিত জনজাতি (চেন্ট্ৰেল অ'বিচি)ৰ অন্তৰ্গত কৰাৰ দাবীৰে কৰিমগঞ্জত 6 ঘন্টীয়া ধৰ্ণা কাৰ্যসূচী ৷ দাবী মানি ন'ললে ধাৰাবাহিক আন্দোলনৰ হুংকাৰ প্ৰতিবাদকাৰীৰ ৷ সমগ্ৰ অসমৰ লগতে কৰিমগঞ্জ জিলা উপায়ুক্ত কাৰ্যালয়ৰ কাষত বৃহস্পতিবাৰে নিখিল বিষ্ণুপ্ৰিয়া মণিপুৰী মহাসভাৰ ৰাজ্যিক কমিটিৰ নেতৃত্বত চেন্ট্ৰেল অবিচি প্ৰদানৰ দাবীত এই 6 ঘন্টীয়া ধৰ্ণা কাৰ্যসূচী লোৱা হয় ৷
প্ৰতিবাদকাৰী সকলে কয় যে 1996 চনৰ পৰাই তেওঁলোকে বিষ্ণুপ্ৰিয়া মণিপুৰী সম্প্ৰদায়ক কেন্দ্ৰীয় অনুসূচিত জনজাতিৰ অন্তৰ্গত কৰাৰ দাবী উত্থাপন কৰি আহিছে যদিও চৰকাৰৰ ফালৰ পৰা কোনোধৰণৰ সঁহাৰি লাভ কৰা নাই ৷ যাৰ পৰিপ্ৰেক্ষিতত তেওঁলোকে সমগ্ৰ অসমতে এনে কাৰ্যসূচী পালন কৰাৰ বাবে বাধ্য হৈছে ৷
প্ৰতিবাদকাৰী সকলে অভিযোগ কৰে যে তেওঁলোকৰ দীৰ্ঘদিনীয়া দাবীৰ ক্ষেত্ৰত কোনো কাৰ্যকৰী সিদ্ধান্ত নোলোৱাৰ বাবে পিছপৰা সম্প্ৰদায়টোৱে বিভিন্ন ধৰণৰ সুবিধাৰ পৰা বঞ্চিত হৈ আহিছে ৷ তেওঁলোকে কয় যে চেন্ট্ৰেল অ'বিচি পালেহে সম্প্ৰদায়টো উন্নয়নৰ ক্ষেত্ৰত আগুৱাই যাব ৷
ৰাতিপুৱা 11 বজাৰ পৰা আৰম্ভ হোৱা এই ধৰ্ণা কাৰ্যসূচীত নিখিল বিষ্ণুপ্ৰিয়া মণিপুৰী মহিলা পৰিষদ,নিখিল বিষ্ণুপ্ৰিয়া মণিপুৰী সম্প্ৰদায়ৰ সাহিত্য ও সংস্কৃতি পৰিষদসহ নিখিল বিষ্ণুপ্ৰিয়া মণিপুৰী ছাত্ৰ সংস্থাৰ লগতে সহস্ৰাধিক লোকে অংশগ্ৰহণ কৰে ।
লগতে পঢ়ক: বৰঙাবাৰীত হিমন্ত বিশ্ব শৰ্মাই স্থাপন কৰিব নাৰ্চিং বিদ্যালয়ৰ আধাৰশিলা
