কৰিমগঞ্জ,7 ডিচেম্বৰ: কৰিমগঞ্জৰ নিলামবাজাৰ আৰক্ষীৰ জালত বাংলাদেশী যুৱক ৷ গোপন সূত্ৰৰ পম খেদি নিলামবাজাৰ আৰক্ষীয়ে ভাৰত বাংলাদেশ সংলগ্ন সাফালা গাঁৱৰ পৰা আটক কৰে বাংলাদেশী যুৱক জনক ৷ বাংলাদেশৰ মৌলবীবজাৰ জিলাৰ বড়লেখা আৰক্ষী থানাৰ অন্তৰ্গত কামাৰশাহীৰ যুৱক জনৰ নাম মিহিৰ হুছেইন ৷ কি কাৰণত যুৱক জনে অবৈধ ভাৱে ভাৰতত প্ৰৱেশ কৰিলে তাৰ তদন্ত ইতিমধ্যে আৰক্ষীয়ে অব্যাহত ৰাখিছে ৷
উল্লেখ্য যে, দক্ষিণ কৰিমগঞ্জ সমষ্টিৰ ভাৰত আৰু বাংলাদেশ সীমান্ত উম্মুক্ত হৈ থকাৰ বাবেই প্ৰতিনিশা বাংলাদেশী লোকে সেই অঞ্চলেৰে ভাৰতত প্ৰৱেশ কৰে বুলিও স্থানীয় লোকে জনায় ৷
