ডিফু,7 ডিচেম্বৰ: বোকাজানৰ বাঘজানত ভয়ংকৰ পথ দুৰ্ঘটনা ৷ কাৰ্বি আংলং জিলাৰ বোকাজানৰ ৩৯ নং ৰাষ্ট্রীয় ঘাইপথত ট্ৰাক আৰু টাটা চুমুৰ মুখামুখি সংঘৰ্ষত প্ৰাণ হেৰুৱালে একেটা পৰিয়ালৰে চাৰিজনকৈ লোকে ৷ সোমবাৰে লংলেঙৰ পৰা ডিমাপুৰলৈ আত্মীয় বিয়ালৈ গৈ থকা অৱস্থাত সংঘটিত হয় পথ দুৰ্ঘটনাটো ৷
গোলাঘাট অভিমুখী AS-21-7654 নম্বৰৰ ট্ৰাকখনৰ খুন্দাত NL-07-T-0526 টাটা চুমুখনত থকা চাৰিজন যাত্ৰী থিতাতে নিহত হোৱাৰ লগতে দুজনকৈ লোক গুৰুতৰ ভাৱে আহত হয় ৷ নিহত আটাইকেইজন নাগালেণ্ডৰ লংলিঙৰ বাসিন্দা ক্ৰমে পকচাম, আবং, কান্দাত আৰু য়ংকাই বুলি জানিব পৰা গৈছে ৷ আনহাতে আহত দুজনক বোকাজানৰ প্ৰাথমিক চিকিৎসা কেন্দ্ৰত ভৰ্তি কৰোৱা হৈছে ৷
