ডিফু, ২৪ মাৰ্চ: আৰক্ষীৰ তীব্ৰ অভিযানৰ পাছতো ৰাজ্যত অব্য়াহত ড্ৰাগছ অবাধ সৰবৰাহ । চুবুৰীয়া ৰাজ্যসমূহৰ পৰা অবাধে ৰাজ্যলৈ আহি আছে ড্ৰাগছ(Drug trafficking from neighbouring states) । বৰ্তমান চুবুৰীয়া ৰাজ্য নাগালেণ্ডৰ পৰা কাৰ্বি আংলঙত প্ৰৱেশ কৰা যাত্ৰীবাহী বাছ সমূহৰ পৰা সঘনাই নিচাযুক্ত ড্ৰাগছ উদ্ধাৰ হোৱা পৰিলক্ষিত হৈছে ৷
বৃহস্পতিবাৰে এক গোপন খবৰৰ ভিত্তিত খটখটী থানাৰ অ'চি ৰাজু দুৱৰাৰ নেতৃত্বত উপ পৰিদৰ্শক আতিকুৰ ৰহমান আৰু সংগীয় ষ্টাফৰ সহযোগত খটখটী দৈনিক বজাৰৰ ওচৰত এক নাকা অভিযান চলায় ৷ অভিযান কালত ডিমাপুৰৰ পৰা তেজপুৰ অভিমুখে গৈ থকা AS02AC2056 নম্বৰৰ এখন আলট্ৰা বাছত তন্নকে তন্নকৈ তালাচী চলায় এগৰাকী মহিলাৰ পৰা উদ্ধাৰ কৰে ড্ৰাগছ ।
জব্দ কৰে ৫ টা চাবোনৰ বাকচত ৬১'৩৯ গ্ৰাম সন্দেহযুক্ত হেৰ'ইন ৷ হেৰ'ইন খিনিৰ সৈতে এগৰাকী শিশু কণ্যা সহ ধৃত মহিলা গৰাকী নগাওঁ জিলাৰ উলুৱনি থানাৰ অন্তৰ্গত ৩নং চুলুং বৰঘুলিৰ গাঁৱৰ আব্দুল বাৰেকৰ পত্নী মমতাজ বেগম বুলি আৰক্ষীৰ সূত্ৰত প্ৰকাশ ৷
লগতে পঢ়ক: Bapeta Advocate Murder Case : দহ দিনৰ আৰক্ষীৰ জিম্মাত দুই অভিযুক্ত
