ডিফু, ১৮ জুলাইঃ কাৰ্বি আংলং জিলাৰ ডকমকা থানাৰ অন্তৰ্গত ভেলুঘাটত সেনা, আৰক্ষী আৰু চিআৰপিএফৰ এক যুটীয়া অভিযানত অস্ত্ৰ-শস্ত্ৰ সহ আটক এজন প ডি চি কে ৰ দুৰ্ধৰ্ষ কেডাৰ ৷ এক গোপন সূত্ৰৰ ভিত্তিত জিলা আৰক্ষী অধীক্ষকৰ নিৰ্দেশ অনুসৰি ডকমকা আৰক্ষী, ছামেলাংচৰ সেনাৰ ১২ নং গাৰোৱাল ৰেজিমেণ্ট আৰু বিৰলাৰ কিউ এ টি ২০ বি এন চি আৰ পি এফ ৰ এটি দলে যুটীয়া ভাবে অভিযান চলাই ভেলুঘাটৰ পথৰ কাষত খাপ পিটি নিশা ১১.৩০ মান বজাত দুৰ্ধৰ্ষ পি ডি চি কে কেডাৰ জনক অস্ত্ৰ-শস্ত্ৰ সহ আটক কৰিবলৈ সক্ষম হয় ৷ আটকাধীন ধৃত পি ডি চি কে কেডাৰজন সঞ্জীৱ ৰংপি (৩৫) বুলি চিনাক্ত কৰা হৈছে ৷
অভিযানকাৰী দলটোৱে কেডাৰ জনৰ পৰা ক্ৰমে ১ টা ৭'৬৫ পিষ্টল, ১ টা মেগজিন , ৫ জাঁই সজীৱ গুলী, ১ টা ছেমছাং ম’বাইল, ১ টা ক' লা ৰঙৰ বেগ, দুযোৰ অসামৰিক পোছাক উদ্ধাৰ কৰিবলৈ সক্ষম হয় ৷ অধিক তথ্যৰ বাবে ধৃত পি ডি চি কে কেডাৰ সঞ্জীৱ ৰংপিক আৰক্ষীয়ে জেৰা অব্যাহত ৰাখিছে ৷
