ডিফু, ২০ ডিচেম্বৰঃ এমএচি ফুটবল চেম্পিয়নশ্বিপ ২০২০ বৰ্ষৰ চূড়ান্ত খেলখন শুকুৰবাৰে নিশা অনুষ্ঠিত হৈ যায় ৷ পশ্চিম কাৰ্বি আংলং জিলাৰ ডংকামোকামস্থিত অত্যাধুনিক প্ৰযুক্তিৰে নিৰ্মিত ৱাইচং ইন্দোৰ ষ্টডিয়াম খেল পথাৰত অনুষ্ঠিত চূড়ান্ত খেল খনত লুম্বাজং দলে 3-2 গ’লৰ ব্যৱধানত বিথুং দলক পৰাস্ত কৰি জিলাখনৰ শ্ৰেষ্ঠ দল ২০২০ বৰ্ষৰ খিতাপ অৰ্জন কৰিবলৈ সক্ষম হয় ৷
চলিত ২০২০বৰ্ষৰ শ্ৰেষ্ঠ দল হিচাপে লুম্বাজং দলে বিজয়ী ট্ৰফীসহ নগদ ৩ লাখ টকা আৰু বিথুং দলে ৰাণাৰ্চ চাপ ট্ৰফীসহ ২ লাখ টকা লাভ কৰে ৷ কাৰ্বি আংলং স্বায়ত্ত্ব শাষিত পৰিষদৰ ২৬ টা সমষ্টিৰ জনপ্ৰতিনিধিয়ে নিজ নিজ সমষ্টিৰ পৰা অংশ গ্ৰহণ কৰা খেলখনত অংশ গ্ৰহণকাৰী প্ৰতিটো দলকে ২০ হাজাৰকৈ নগদ ধন প্ৰদানেৰে ক্ৰীড়াৰ প্ৰতি উৎসাহ-উদ্দীপনা আগবঢ়াই কাৰ্বি আংলং স্বাযত্ব শাষিত পৰিষদে ৷
লগতে পঢ়কঃ কৃষক বিদ্ৰোহক লৈ প্ৰধানমন্ত্ৰী মোডীক আক্ৰমণ চিদাম্বৰমৰ
